Стала вядома, калі Сенат ЗША будзе галасаваць за пакет дапамогі Украіне
Лідар большасці ў Сенаце ЗША Чак Шумер паведаміў, што амерыканскія сенатары выйдуць з перапынку, каб галасаваць за дапамогу Украіне ў аўторак, 23 красавіка.
Фота: Chip Somodevilla / Getty Images
«Сенат гатовы зрабіць наступны крок па дадатковым законе аб нацыянальнай бяспецы», — напісаў Шумер у твітары.
Паводле яго слоў, Сенат дамовіўся завяршыць працу першым галасаваннем у аўторак, 23 красавіка.
Раней ён папярэджваў калегаў, што ім, магчыма, давядзецца працаваць у выходны дзень, гэта магло азначаць нядзелю, 21 красавіка.
Палата прадстаўнікоў ЗША 20 красавіка адобрыла законапраект аб выдзяленні дапамогі ў падтрымку Украіны на суму каля 61 мільярда долараў.
Каментары