На гэта паказваюць новыя даследаванні вакалізацыі ў гэтых кітоў.
Пра гэта распавядае тэлеграм-канал cybulinka.
Даследчыца Даніела Рус з Масачусецкага тэхналагічнага інстытута разам са сваімі калегамі прааналізавала каля 9 000 размоў кашалотаў, якія былі запісаныя ў перыяд з 2014 па 2018 год. У выніку выявілася, што вакалізацыя ў гэтых кітоў даволі складаная і падобная да чалавечых моў.
Раней меркавалася, што кашалоты (Physeter macrocephalus) выкарыстоўваюць 21 шаблон сігналаў для розных сітуацый. Цяпер высветлілася, што базавых шаблонаў толькі 18, але яны маюць некалькі дадатковых узроўняў складанасці.
Напрыклад, у пачатку ці ў канцы базавага патэрна кіты часта дадаюць дадатковы шчаўчок, каб паказаць суразмоўцу, што надышла ягоная чарга гаварыць. Таксама шаблоны часам расцягваліся з захаваннем рытмічнага малюнка, і кіты фарміравалі з іх розныя паслядоўнасці, што вельмі нагадвае чалавечую мову.
Камандзе даследчыкаў удалося скласці «фанетычны алфавіт», у які трапілі 156 разнастайных шаблонаў, аднак навукоўцы мяркуюць, што іх можа быць значна больш.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары