Столтэнберг: Ва Украіны павінна быць права біць па Расіі заходняй зброяй
«Прыйшоў час, каб саюзнікі падумалі пра адмену некаторых абмежаванняў», — заявіў генеральны сакратар НАТА.
Краіны-партнёры Украіны павінны скасаваць забарону на выкарыстанне іх зброі для ўдараў па аб'ектах на тэрыторыі Расіі. Пра гэта заявіў кіраўнік НАІА Енс Столтэнберг у інтэрв'ю выданню The Economist, піша Расійская служба Радыё Свабода.
«Прыйшоў час, каб саюзнікі падумалі аб адмене некаторых абмежаванняў, якія яны наклалі на выкарыстанне зброі, ахвяраванай Украіне. Асабліва зараз, калі баявыя дзеянні ідуць на Харкаўшчыну, забарона Украіне выкарыстоўваць гэтую зброю супраць законных вайсковых цэляў на тэрыторыі Расіі вельмі ўскладняе яе абарону», — сказаў Столтэнберг.
Столтэнберг «добра ўсведамляе асіметрычную перавагу», якую Расія атрымлівае праз пазіцыю ЗША ў гэтым пытанні. Кіраўнік НАТА падкрэсліў, што расіяне будуць прадаўжаць атакаваць і дамагацца пэўных тэрытарыяльных дасягненняў у памежнай зоне нягледзячы на страты.
«Мы павінны памятаць, што гэта такое. Гэта захопніцкая вайна Расіі супраць Украіны. Украіна мае права абараняцца. І гэта ўключае ў сябе ўдары па цэлях на тэрыторыі Расіі», — сказаў Столтэнберг.
Ціханоўская пра мужа: Увесь ягоны свет перакулены22
Каментары
Баязліўцы Захада не змяніліся і могуць вярнуць усё назад.