Эканамічны суд Мінска аштрафаваў кампанію А1 за завышаныя цэны на паслугі мабільнай сувязі, паведаміла прэс-служба Міністэрства антыманапольнага рэгулявання і гандлю.
А1 абвінавацілі паводле ч. 3 арт. 13.2 КаАП (парушэнне ўстаноўленага парадку ўстанаўлення (фармавання) і (або) прымянення цэнаў (тарыфаў).
У ходзе правядзення праверкі, гаворыцца ў паведамленні МАРГ,
«устаноўленыя парушэнні заканадаўства аб цэнах і цэнаўтварэнні ў частцы адсутнасці эканамічных разлікаў, якія пацвярджаюць узровень устаноўленых на паслугі сотавай рухомай электрасувязі тарыфаў».
Адзначаецца, што кампаніі прызначаны штраф у памеры «5% ад кошту рэалізаваных паслуг», але канкрэтная сума пры гэтым не называецца.
За названыя парушэнні аштрафаваная таксама адказная службовая асоба — на 12 базавых велічынь (480 рублёў).
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары