Выбары прэзідэнта Беларусі ў 2025 годзе будуць праводзіць па ўжо прынятым Выбарчым кодэксе, заявіў кіраўнік ЦВК Ігар Карпенка падчас рэспубліканскага семінара па пытаннях правядзення выбараў.
У 2022 годзе ў Беларусі абнавілася выбарчае заканадаўства, былі прынятыя нормы аб правядзенні Адзінага дня галасавання, унесеныя змены ў патрабаванні да кандыдатаў на пасаду прэзідэнта, піша «Спутнік».
«Мы прэзідэнцкую выбарчую кампанію будзем праводзіць ужо паводле дзейнага выбарчага кодэксу», — сказаў ён.
Кіраўнік ЦВК нагадаў, што ў адпаведнасці з Выбарчым кодэксам і Канстытуцыяй чарговыя прэзідэнцкія выбары ў Беларусі павінны прайсці не пазней за 20 ліпеня 2025 года.
Варта зазначыць, што 30 гадоў таму, 20 ліпеня 1994 года, прайшла інаўгурацыя Аляксандра Лукашэнкі.
Паводле слоў Карпенкі, прэзідэнцкая кампанія 2025 года фактычна завершыць выбарчы цыкл, які ў Беларусі праводзіцца ў адпаведнасці з прынятымі на рэферэндуме 2022 года папраўкамі ў заканадаўства.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё17
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары