У другім туры выбараў у Іране супрацьстаяць адзін аднаму будуць рэфарміст і кансерватар
Другі тур адбудзецца 5 ліпеня, бо ніхто з кандыдатаў не набраў больш за 50% галасоў.
Рэфарміст Масуд Пезешкіян і кансерватар Саід Джалілі лідзіруюць у першым туры выбараў прэзідэнта Ірана па выніках апрацоўкі ўсіх бюлетэняў. Паколькі ніхто з кандыдатаў не набраў больш за 50% галасоў, Пезешкіян і Джалілі сустрэнуцца ў другім туры 5 ліпеня.
Як паведаміў прадстаўнік выбарчага штаба Ісламскай Рэспублікі Махсен Эсламі ў эфіры тэлеканала IRIB, пасля падліку 24,5 млн галасоў на ўсіх 58,6 тыс. участкаў Пезешкіян набірае 10,4 млн, прадстаўнік духоўнага лідара Ірана ў Найвышэйшай радзе нацыянальнай бяспекі Рэспублікі Джалілі — 9,5 млн.
Гэтыя выбары ў Іране пазачарговыя, пасля таго як 19 мая разбіўся ў авіякатастрофе прэзідэнт Раісі.
Уся ўлада ў Іране належыць духоўнаму лідару аятале Хаменеі, але пасада прэзідэнта другая па значнасці.
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма7
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары