Іспанія выбіла Германію з хатняга чэмпіянату Еўропы на 119-й хвіліне ВІДЭА
Іспанія — Германія — 2:1 (дадатковы час).
На 51-й хвіліне гол з падачы 16-гадовага Ламіна Ямаля забіў паўабаронца «Ляйпцыга» Дані Ольма, які ўжо на 8-й хвіліне першага тайма змяніў траўмаванага Педры.
Цікавы факт, у матчы 1/8 фіналу супраць Грузіі Ольма таксама выйшаў на замену супраць Педры і таксама забіў гол.
На 89-й хвіліне Фларыян Вірц лік зраўняў, перавёўшы гульню ў авертайм.
А на 119-й хвіліне кропку паставіў Мікел Марэна з «Рэала Сасьедад» — 2:1. Пас аддаў Дані Ольма.
Ужо на самым сцяжку чырвоную картку атрымаў Дан Карвахаль, але немцы не змаглі рэалізаваць штрафны ўдар.
У сярэдзіне дадатковага часу суддзя не паставіў пенальці ў вароты Іспаніі: мяч трапіў у руку Кукурэлы.
З 1988 года гаспадар спаборніцтваў ніколі не выйграваў дамашні чэмпіянат. Нават улетку 2021 года, калі чэмпіянат праходзіў у 12 краінах, у фінале зборная Англіі прайграла па пенальці Італіі.
У паўфінале ў аўторак, 9 ліпеня, Іспанія сустрэнецца з пераможцам пары Францыя — Партугалія, матч пачнецца сёння а 22-й гадзіне.
Заўтра гуляюць Англія — Швейцарыя (19:00) і Турцыя — Нідэрланды (22:00)
Ламін Ямаль: як школьнік з беднага каталонскага раёна стаў найлепшым распасоўшчыкам Еўра
Першы гол на Еўра забіў самы перспектыўны немец — Фларыян Вірц. «Рэал» падумвае купіць яго за 150 мільёнаў еўра
Бацькі гэтага 21-гадовага форварда зборнай Іспаніі пешкі перайшлі Сахару, каб выратавацца ад вайны
Турэцкія заўзятары збіраюцца масава паказаць «воўчае вітанне» на матчы Турцыя — Нідэрланды
Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару19
Каментары