Людзі стаяць на мяжы па шмат гадзін.
Ілюстрацыйны здымак. Фота: скрыншот з тэлеграм-канала @granica_bypl
Пасажыры, якія ўвечары 4 жніўня перасякалі мяжы, пішуць у чатах, што
на выезд з Беларусі ў Літву ў пункце пропуску «Каменны Лог» стаяць 23 аўтобусы. Гэта рэкордная колькасць. Час на дарогу з Мінска да Вільні пры такім раскладзе — гэта каля 22-23 гадзін.
Яшчэ пару дзён таму людзі дабіраліся ў Вільню па 10 гадзін, што таксама абсалютна нетыпова.
Тыя, хто сёння вяртаўся з Вільні ў Мінск, стаялі на памежным кантролі па чатыры гадзіны.
На мяжы з Польшчай таксама рэкордная чарга аўтобусаў — 74 стаяць у пункце пропуску «Брэст» на выезд з Беларусі (даныя пагранкамітэта на 20 гадзін 4 жніўня).
Абноўлена. У 22 гадзіны аўтобусаў ужо было 80.
Цяпер чытаюць
Алексіевіч: Адно з самых моцных уражанняў у жыцці — калі я апынулася ў натоўпе ў 2020 годзе1
Каментары