У Курскую вобласць увайшло танкавае падраздзяленне беларускіх добраахвотнікаў
Адно з падраздзяленняў ЗСУ ў Курскай вобласці — танкавае падраздзяленне «Тур» у складзе 225-га Асобнага штурмавога батальёну (АШБ). Касцяк «Тура» складаюць беларускія добраахвотнікі, піша «Белсат».
Відэа, як у Курскую вобласць уварваўся танк пад бел-чырвона-белым сцягам, «Белсату» перадаў беларускі вайсковец з пазыўным «Жэрар», камандзір аддзялення эвакуацыі бранятэхнікі 225-га асобнага штурмавога батальёну ЗСУ.
«Падраздзяленне з беларусамі працуе: трыкалоры падаюць на зямлю, расейцы здаюцца ў палон, а «Ахмат» — проста чай. Дыктатуры абавязкова падуць! І мы ў гэтым бяром непасрэдны ўдзел!» — пішуць танкісты ў тэлеграме.
Раней выданне распавяло, што ва ўкраінскім 225-м АШБ беларусы стварылі асобнае танкавае падраздзяленне «Тур».
«Камандаванне тое, што ў нас ёсць беларускае падраздзяленне ў 225-м АШБ, успрыняла вельмі пазітыўна і добра. І, дзякуй Богу, гэта дае свае вынікі. Мы паказваем фенаменальны вынік. Камандаванне гэта бачыць і цэніць», — казаў Жэрар, камандзір аддзялення эвакуацыі цяжкай тэхнікі 225-га АШБ.
Увесну гэта падраздзяленне адзначылася тым, што ўпершыню здабыла сучасны расейскі танк Т-90М «Прарыў-3». Гэтая мадыфікацыя — адна з найноўшых расейскіх распрацовак.
«Спадзяюся, што нашая аперацыя з Т-90М «Прарыў-3» застанецца ў гісторыі, таму што гэта сапраўды ўнікальны танк і аперацыя была найскладанейшая. Я вельмі рады, што ў нас атрымалася гэта зрабіць», — казаў Жэрар.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак10
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары