Сустрэчы кіраўніка Telegram Паўла Дурава і Уладзіміра Пуціна ў Баку не было. Пра гэта заявіў сёння прэс-сакратар прэзідэнта Расіі Дзмітрый Пяскоў, паведамляе блізкі да Крамля тэлеграм-канал Пул №3.
«Мы пакуль не ведаем, у чым канкрэтна абвінавачваецца Дураў, мы не чулі пакуль ніякіх афіцыйных заяў на гэты конт. І перад тым, як нешта казаць, трэба дачакацца высвятлення сітуацыі: што ж менавіта спрабуюць інкрымінаваць Дураву. Без гэтага, напэўна, было б няправільна рабіць нейкія заявы», — сказаў Дзмітрый Пяскоў.
На мінулым тыдні выказвалася меркаванне, што Пуцін і Дураў сустрэліся ў Азербайджане. Кіраўнік Расіі прыляцеў туды з Масквы з візітам да Ільхама Аліева, а Павел Дураў прыляцеў прыватна з Дубая.
Пасля Дураў адправіўся ў Парыж, дзе і быў затрыманы ўвечары ў суботу. Сёння стала вядома, што ўтрыманне яго пад вартай працягнута на 96 гадзін.
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы50
Каментары
Няма Дурава - няма " Телегі " ))
Але гэта не гэтак працуе )