Прэзідэнт Тайваня прапанаваў Кітаю адабраць у Расіі землі на Далёкім Усходзе
Калі Кітай хоча аднавіць тэрытарыяльную цэласнасць, яму недастаткова анексаваць Тайвань — ён таксама павінен запатрабаваць ад Расіі свае «гістарычныя» землі на Далёкім Усходзе, заявіў прэзідэнт Тайваня Лай Цындэ ў інтэрв'ю тайваньскім СМІ, піша Reuters.
«Чаму б не вярнуць акупаваныя Расіяй землі, якія былі падпісаныя паводле Айгунскай дамовы? Расія цяпер знаходзіцца ў самым слабым становішчы», — сказаў Лай Цындэ.
Аднак, паводле яго слоў, Кітай не робіць гэтага, затое працягвае пагражаць анексіяй Тайваню. Тайваньскі прэзідэнт патлумачыў гэта тым, што Пекін дамагаецца не тэрытарыяльнай цэласнасці, а «гегемоніі на міжнароднай арэне, у заходняй частцы Ціхага акіяна». З дапамогай ціску на Тайвань Пекін імкнецца змяніць заснаваны на правілах міжнародны парадак, зрабіў выснову Лай Ціндэ.
Згодна з Айгунскай дамовай, якую ў 1858 годзе заключылі Расійская Імперыя і маньчжурская Імперыя Цын, руска-цынская мяжа прайшла па рацэ Амур. У 1860 годзе дакумент быў істотна пашыраны Пекінскай дамовай. За кошт гэтых пагадненняў Расія атрымала сучасныя Амурскую вобласць, а таксама Хабараўскі і Прыморскі краі. У Кітаі абедзве гэтыя дамовы лічацца «нераўнапраўнымі», паколькі яны былі падпісаныя пад моцным ціскам у перыяд заняпаду кітайскай дынастыі Цын, опіумных войнаў і паўстання тайпінаў.
Нешта не сыходзіцца: Кітай можа хлусіць свету пра свой рэальны вайсковы бюджэт
Вось чаму ў Кітаі могуць прыслухоўвацца да Польшчы
Кітай пабудаваў дзеля чагосьці ў пустыні копію ўрадавага раёна сталіцы Тайваня
Не Захад, а Кітай уяўляе сабой сёння найбольшую пагрозу эканоміцы Расіі. І прычына тут — сонца і вецер
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай80
Каментары