Telegram абнавіў палітыку, дазволіўшы карыстальнікам паведамляць мадэратарам аб «незаконным кантэнце» ў прыватных групах.
Раней паведамлялася, што ўсе «чаты Telegram і групавыя чаты з'яўляюцца прыватнымі» (за выключэннем каналаў і ботаў) і адміністрацыя месенджара «не апрацоўвае ніякія запыты, звязаныя з імі».
Зараз сказана, што «ва ўсіх дадатках Telegram ёсць кнопкі «паскардзіцца», якія дазволяць «усяго за некалькі націсканняў паведамляць мадэратарам аб незаконным кантэнце».
Для гэтага трэба націснуць на паведамленне або ўтрымліваць яго, пасля чаго ўсплывае меню, дзе павінна быць гэтая кнопка.
Як сведчаць захаваныя копіі старонкі FAQ, абнаўленні ў палітыку Telegram былі ўнесеныя менш за суткі таму. У тым ліку з недастатковай мадэрацыяй кантэнту былі звязаныя прэтэнзіі да Telegram французскіх уладаў, а таксама паўднёвакарэйскіх, якія знайшлі дыпфэйкі парнаграфічнага зместу ў прыватных групах.
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну20
Каментары