Еўрапейскі суд абавязаў амерыканскую кампанію Apple выплаціць Ірландыі 13 млрд еўра нявыплачаных падаткаў. Такім чынам, канстатуе Бі-бі-сі, завяршаецца судовая цяжба, якая доўжылася восем гадоў.
Першапачаткова, яшчэ ў 2016 годзе, Еўракамісія абвінаваціла Ірландыю ў даванні Apple незаконных падатковых ільгот. Дублін настойваў на сваёй рацыі. Але суд пагадзіўся з абвінавачваннем. Улады Ірландыі паабяцалі выканаць вынесенае судовае рашэнне.
10 верасня завяршыўся яшчэ адзін даўні судовы працэс з другой амерыканскай глабальнай кампаніяй Google. Еўрапейскі суд пастанавіў, што кампанія злоўжывае пануючым становішчам на еўрапейскім рынку і выпісаў ёй штраф у памеры 2,4 млрд еўра.
Кіраўнік антыманапольнага ведамства ЕС Маргрэтэ Вестагер назвала вынесеныя рашэнні суда »велізарнай перамогай для еўрапейскіх грамадзян і падатковай справядлівасці».
У справе Apple Еўрапейскі суд не столькі вынес новае рашэнне, колькі пацвердзіў першапачатковую пазіцыю Еўракамісіі з гэтай нагоды, выказаную яшчэ ў 2016 годзе. Ірландскія ўлады незаконна далі кампаніі падатковыя льготы. Цяпер Apple задняй датай павінна пакрыць розніцу, якая ўтварылася з 1991 па 2014 год.
Падатковыя льготы, дадзеныя ірландскімі ўладамі кампаніі Apple, былі прызнаныя незаконнымі, паколькі канкурэнты Apple, якія знаходзяцца за межамі Ірландыі, не маглі разлічваць на аналагічную фінансавую падтрымку.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі19
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары