У Польшчы ў доме ў ксяндза знайшлі мёртвага мужчыну ў кайданках і стрынгах. Святар спаў побач у касцюме трусіка
У скандал трапіў вікарый з невялікага польскага гарадка Дробін. Кажуць, ён праводзіў шумныя вечарынкі, адна з якіх скончылася трагедыяй.
У Дробіне, што ў Мазавецкім ваяводстве, здарыўся скандал. 7 верасня ў доме ў мясцовага каталіцкага святара знайшлі мёртвага 29-гадовага мужчыну.
Мёртвага чалавека знайшлі ў ложку ў ксяндза — ён быў у адных скураных стрынгах, а яго рукі былі прыкаваныя да ложка кайданкамі. Побач у крэсле спаў п'яны ксёндз у касцюме трусіка, піша Wprost.
Мясцовыя жыхары расказваюць, што ксёндз часта ладзіў шумныя вечарынкі, якія працягваліся ўсю ноч. Гараджане па вечарах часам сустракалі п'яных святароў у кампаніі жанчын.
Ёсць версія, што ў той злапомны вечар у парафіяльным доме была эратычная вечарынка. Паведамляецца, што ў крыві ў мёртвага мужчыны знайшлі сродак для патэнцыі. Ускрыццё ўжо правялі, аднак прычыну смерці не называюць. Вядома толькі, што мужчына хварэў на сардэчна-дыхальную недастатковасць.
Паліцыя высвятляе ўсе абставіны справы. Пракуратура ўжо апытала сведак — хатнюю прыслужніцу і самога вікарыя. Абвінавачванні пакуль нікому не выстаўленыя.
Плоцкая дыяцэзія пачала сваё дысцыплінарнае расследаванне, матэрыялы будуць падрыхтаваныя для перадачы ў Ватыкан. Святар часова адхілены ад служэння да высвятлення ўсіх абставін. У дыяцэзіі адзначылі, што біскупу не паступалі скаргі на непрыстойныя паводзіны ксяндза.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары72
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць3030
Каментары
В нем нет никакого религиозного смысла, просто атавизм средневековой бюрократии