«У Беларусі з'явіўся свой Рыбентроп». Латушка пракаментаваў заявы Рыжанкова
Кіраўнік Народнага антыкрызіснага ўпраўлення Павел Латушка апублікаваў відэа з разборам прамовы міністра замежных спраў Беларусі Максіма Рыжанкова, якую той зрабіў з трыбуны ААН у Нью-Ёрку.
Латушка заявіў, што ў беларускай дыпламатыі з'явіўся свой Рыбентроп, які прапанаваў падзяліць Украіну.
«Рыжанкоў з трыбуны ААН прапануе падзяліць Украіну. Ён ізноў прапануе правесці перагаворы ў Мінску для таго, каб падпісаць пагадненне. А да чаго павінна прывесці гэтае пагадненне? Менавіта да падзелу Украіны. Сучасны Рыбентроп у беларускім выкананні», — сказаў Латушка.
Таксама палітык згадаў выступленне іншага падпісанта Пакта Молатава-Рыбентропа — народнага камісара замежных спраў Савецкага Саюза Вячаслава Молатава — якое той зрабіў у Вярхоўным савеце СССР пасля падзелу Польшчы ў 1939 годзе. У ім Молатаў заявіў, што гітлераўская Германія выступае за мір, а агрэсіі і вайны хочуць Англія і Францыя. Як мяркуе Латушка, у гэтых словах таксама шмат падобнага да выступу Рыжанкова.
Нагадавем, што з трыбуны Генасамблеі ААН лукашэнкаўскі міністр паўтарыў беларускія і расійскія прапагандысцкія штампы пра жаданне Захаду і залежных ад іх украінскіх уладаў ваяваць да апошняга ўкраінца, заявіў, што ў Беларусь уцякае больш бежанцаў, чым у Еўропу, а таксама заклікаў вярнуцца да фармату мірных перамоваў, якія праходзілі ў Мінску з 2014 года.
Іаахім фон Рыбентроп — нямецкі дыпламат, міністр замежных спраў Германіі. У 1939 годзе падпісаў так званы Пакт Молатава — Рыбентропа, які вызначыў сферы інтарэсаў Гітлера і Сталіна ва Усходняй Еўропе.
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары
А. Івонка Сурвіла
В. Дзядусь Зэ
С. Былы Паўлюк Антыкрыза
D. Яемосьць Георгіеўна Першая
Пішам ў адказах ЛІТАРУ каго абіраеце, пераможца ладзіцьме файт-прамоўшыны ў Беларускім Доме Варшавы