Навука і тэхналогіі11

Навукоўцы вырасцілі вымерлае біблейскае дрэва з семені, якое праляжала тысячу гадоў

Насенне старажытнага дрэва адшукалі ў пячоры ў Іўдзейскай пустыні яшчэ ў 1980-я гады.

Тысячагадовае семя і дрэва, якое з яго вырасла. Фота: Communications Biology 

Навукоўцы выказалі здагадку, што гэтая расліна роду Каміфора (Commiphora) згадваецца ў біблейскіх тэкстах. Гісторыя насення, якое праляжала ў зямлі амаль тысячу гадоў, не толькі ўражвае, але і адкрывае новыя магчымасці для вывучэння старажытнай флоры засушлівага рэгіёну. Пра гэта паведамляе партал Naked Science.

У даследаванні, апублікаваным у часопісе Communications Biology, міжнародная даследчая група апісала ўвесь шлях знаходкі — ад археалагічных раскопак і першых парасткаў да развіцця расліны.

Марфалагічныя асаблівасці лекавага дрэва «Шыба» ў розным узросце. Фота: Communications Biology 

Радыевугляродны аналіз насення, знойдзенага ў пячоры ў паўночнай частцы Іўдзейскай пустыні, паказаў, што яно датуецца 993—1202 гадамі нашай эры. Знаходку перадалі ў Цэнтр устойлівай сельскай гаспадаркі (Ізраіль), дзе даследчыкі здолелі яго прарасціць.

Спачатку насенне падрыхтавалі да пасадкі, апрацаваўшы спецыяльнымі растворамі для стымуляцыі росту, пасля чаго пасадзілі ў стэрыльную глебу. Праз пяць тыдняў з'явіўся першы парастак, што само па сабе стала значнай падзеяй.

Доктарка Сара Салон, вядучая аўтарка даследавання, трымае маладое дрэва Шыба ў 2010 годзе. 

Прыналежнасць расліны да роду Каміфора — сямейства Бурзэравых, вядомых сваімі смалістымі выдзяленнямі, — вызначылі з дапамогай секвенавання ДНК і філагенетычнага аналізу. Хоць расліна не супадае ні з адным з вядомых навуцы відам, яе найбліжэйшымі сваякамі аказаліся тры віды таго ж роду з далёкай Паўднёвай Афрыкі.

Гэтая сувязь здзіўляе, паколькі Каміфора звычайна асацыюецца з рэгіёнамі Афрыкі, Мадагаскара і Аравійскага паўвострава.

Аўтары навуковай працы выказалі здагадку, што расліна звязана з «цоры» — смалой, згаданай у Бібліі і вядомай сваімі гаючымі ўласцівасцямі. У адрозненне ад іншых відаў роду Каміфора, якія цэняцца за іх араматычныя смолы, новая расліна мае мала араматычных злучэнняў. Аднак наяўнасць у ёй раней невядомай серыі глікаліпідаў, якія могуць валодаць фармакалагічнай актыўнасцю, дазваляе меркаваць, што расліну выкарыстоўвалі ў лячэбных мэтах.

Дрэва Шыба. Фота: Communications Biology

Дрэва, якое каманда назвала Шыба, дасягае трох метраў у вышыню і дае навукоўцам унікальную магчымасць вывучыць вымерлую расліну.

Даследчыкі высунулі некалькі гіпотэз пра тое, як насенне апынулася ў пячоры. Яго маглі прынесці птушкі або жывёлы, але не выключаны і ўдзел людзей, якія захоўвалі насенне для наступнага выкарыстання. Каманда плануе працягнуць даследаванні, каб дакладна вызначыць від расліны і вывучыць яго ўласцівасці.

Каментары1

  • Андрусь
    01.10.2024
    Проста, нібы ў вершы Максіма Багдановіча!

Цяпер чытаюць

Сталі вядомыя новыя дэталі ў маштабнай справе арганізатараў канцэртаў2

Сталі вядомыя новыя дэталі ў маштабнай справе арганізатараў канцэртаў

Усе навіны →
Усе навіны

У Стоўбцах правялі забег «Шляхам Якуба Коласа», каб папулярызаваць творчасць земляка. На рускую нават яго цытату пераклалі15

У Гродне парашутыста ветрам знесла ў ваду. На беразе мінакі проста глядзелі і чакалі, чым скончыцца2

З-за закрыцця мяжы з Польшчай у Беларусі ўзнік дэфіцыт кветак16

Як пазбегнуць гіпертэнзіі і што рабіць, калі лекі не дапамагаюць?3

750 чалавек адначасова займаліся ёгай на мінскім стадыёне «Дынама» ФОТАФАКТ5

Лукашэнка павіншаваў Арменію з Днём Незалежнасці як «недружалюбную» краіну5

Як пасля 40 гадоў дыктатуры пабудаваць дэмакратыю? Беларус вывучае досвед Тайваня2

«Губазікаўцы схіляюць Калеснікаву да высылкі, але яна не хоча»11

Насуперак санкцыям у Беларусь працягваюць гнаць машыны з Еўропы з аб'ёмам больш за 1,9 літра. Але ёсць нюансы9

больш чытаных навін
больш лайканых навін

Сталі вядомыя новыя дэталі ў маштабнай справе арганізатараў канцэртаў2

Сталі вядомыя новыя дэталі ў маштабнай справе арганізатараў канцэртаў

Галоўнае
Усе навіны →

Заўвага:

 

 

 

 

Закрыць Паведаміць