Гайдукевіч заявіў, што яго партыя будзе ўдзельнічаць у прэзідэнцкіх выбарах
Ці пойдзе сам Алег Гайдукевіч кандыдатам у прэзідэнты, невядома. Але на мінулых выбарах ён зняўся, заявіўшы, што «не прастытутка».
Дэпутат ад ЛДПБ і былы міліцыянт Алег Гайдукевіч, выступаючы сёння на пасяджэнні Палаты прадстаўнікоў з нагоды прызначэння выбараў прэзідэнта Беларусі, цалкам падтрымаў прапанову старшыні ЦВК наконт даты выбараў 26 студзеня 2025 года і патлумачыў чаму.
«Што ў нас далей ідзе пасля студзеня? Красавік, май, — нечакана аргументаваў Гайдукевіч. — Май — гэта васьмідзесяцігоддзе Вялікай Айчыннай вайны, перамогі нашай, гэта будзе маштабнае святкаванне. Лета — наогул не трэба праводзіць ніколі ніякіх выбарчых кампаній. Гэта маё меркаванне як палітыка, я маю права, лічу, што заўсёды гэта павінна быць зіма, вясна».
Гайдукевіч прывёў аргументы тым, хто лічыць, што «раптам абвясцілі выбары, не далі падрыхтавацца».
«Палітык пачынае рыхтавацца да выбараў з моманту заканчэння мінулых выбараў. А хто не быў гатовы, ніколі да іх гатовы і не будзе — ні заўтра, ні паслязаўтра. Перакананы, што ўсе палітычныя партыі ў краіне, усе грамадскія арганізацыі маюць выдатную магчымасць для таго, каб паўдзельнічаць у гэтых выбарах, паказаць сябе і ўмацаваць краіну. А вар'ятаў-кандыдатаў, якія раніцай прачнуліся і вырашылі стаць прэзідэнтам, як у дваццатым, больш у нас быць ніколі не павінна», — сказаў Гайдукевіч.
Ён паабяцаў, што яго партыя «абавязкова возьме ўдзел у выбарах», з фарматам удзелу яны вызначацца пазней.
Ці пойдзе сам Алег Гайдукевіч спойлерам да Лукашэнкі, які пакуль не заявіў пра свой удзел, невядома. Але на мінулых выбарах Гайдукевіч зняўся, заявіўшы, што «не прастытутка», і заклікаў галасаваць за Лукашэнку.
Апытанка
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары