Для Лукашэнкі запісалі песню «Надо!» з Дзім Дзімычам, Саладухам і Ярмоленкам
Кампазіцыю ў падтрымку ўдзелу Лукашэнкі на прэзідэнцкіх выбарах 2025 года выклаў у сваім тыктоку кампазітар і прадзюсар Яўген Алейнік.
У запісе песні бралі ўдзел артысты розных пакаленняў. Былі сталыя зоркі, такія як Анатоль Ярмоленка і Аляксандр Саладуха, а таксама гурт «Аўра», у якім выступае сам Алейнік, і фолк-гурт «Добрыя Людзі».
Але большасць маладыя спевакі і інтэрнэт-зоркі — Мікіта Бялько, Дзім Дзімыч, Улька Пулька, Каця Лабкоўская, Насця Краўчанка, Ангеліна Волкава і Анджыліша.
Відавочна, што з такім складам выканаўцаў песня звернута хутчэй да самай маладой аўдыторыі, за розумы якой сёння адчайна вядзе барацьбу рэжым Лукашэнкі.
Песня няхітрая, працяглыя «Нааааааадоооо!» перабіваюцца рознагалоссем тузіна спевакоў, які прамаўляюць розныя патрыятычныя лозунгамі, кшталту «белорусы, мы сила, время выбрало нас», і словамі за ўсё добрае, супраць усяго благога — думаць пра будучыню, не забываць пра мінулае, праслаўляць краіну, стаяць плячо да пляча, быць шчырым.
Але галоўнае, што «трэба рабіць свой выбар», вядома, тут чытаецца між радкоў, што на выбарах і за Лукашэнку, каб ён кіраваў вечна:
«Это надо мне,
Это надо тебе,
Это надо стране,
Это надо всей Земле.
Так должно быть везде,
Так должно быть всегда!»
«Наша Нiва» — бастыён беларушчыны
ПАДТРЫМАЦЬ
Жыхары Грушаўкі і Міхалова застаюцца без дэпутаткі: чэмпіёнка Мірончык-Іванова збіраецца ў дэкрэт13
Каментары
Калі спадару Лукашэнку Бацьку спадабаецца песьня, ён мусіць зладзіць вялікі гастроль амбітных зорак па ўсіх аграпрадпрыемствах