У Расіі 30 снежня заявілі пра атаку на нафтаправод «Дружба» ў пасёлку Мамай, недалёка ад горада Навазыбкава Бранскай вобласці, што недалёка ад мяжы з Беларуссю. Інфармацыю пра атаку і фатаграфію наступстваў апублікаваў расійскі тэлеграм-канал Mash.
Паводле інфармацыі Mash, удар быў нанесены па пасёлку ў 4:30. Як сцвярджае крыніца, у якасці зброі выкарыстоўваўся рэактыўны беспілотнік «Пекла» ўкраінскай вытворчасці.
«Трубаправод не закрануты — у выніку атакі часткова разбураны тэхнічны будынак на тэрыторыі. Людзі не пацярпелі», — заявіла расійскае выданне.
Удакладняецца, што ўчастак нафтаправода ў раёне пасёлка Мамай — гэта апошні пункт прапампоўкі нафтапрадуктаў перад мяжой. Далей па тэрыторыі Беларусі нафта ідзе ў тым ліку ў краіны Еўропы.
Ва Узброеных сілах Украіны, а таксама афіцыйныя крыніцы ў Кіеве гэты інцыдэнт і сваё дачыненне да яго пакуль ніяк не каментавалі.
Сітуацыя з нафтаправодам «Дружба»: беларускія НПЗ працуюць на ранейшай сыравіне
Спынілася прапампоўка нафты праз нафтаправод «Дружба»
На тэрыторыі Польшчы пашкоджаны нафтаправод «Дружба»
Венгрыя заявіла, што дамовілася пра транзіт расійскай нафты праз Беларусь і Украіну
Казахстан значна павялічыў пастаўкі нафты ў Германію праз Беларусь
Начальнік міліцыі Брагіна страляў у сваю жонку. Яна цудам выжыла9
Каментары