Генсак НАТА прыстрашыў еўрапейцаў перспектывамі вывучэння рускай мовы ці эвакуацыі ў Новую Зеландыю
Генеральны сакратар НАТА Марк Рутэ, выступаючы ў Еўрапарламенце, заявіў, што калі Еўрасаюз не будзе выдзяляць больш грошай на абарону, то перспектывы ў еўрапейцаў будуць невясёлыя.
Марк Рутэ заклікаў еўрапейскія ўрады павялічыць вайсковыя выдаткі вышэй за цяперашнія сярэднія 2% ВУП.
«Калі мы гэтага не зробім, праз 4-5 гадоў нам давядзецца ісці на курсы рускай мовы ці ехаць у Новую Зеландыю», — сказаў Рутэ.
Паводле яго ацэнкі, Расія за тры месяцы вырабляе столькі ж прадукцыі вайсковага прызначэння, што ўвесь НАТА за цэлы год.
«Увогуле, эканоміка Расіі не большая, чым эканоміка Нідэрландаў і Бельгіі, разам узятых. Вы двое, разам узятыя, і ёсць расійская эканоміка. Але яны вырабляюць за тры месяцы тое, што ўвесь НАТА вырабляе за год […] У іх няма нашых высокіх заробкаў, у іх няма нашай бюракратыі, яны могуць рухацца з больш высокай хуткасцю, і яны, фактычна, стварылі ваенную эканоміку», — адзначыў Рутэ.
Гурт «Дразды» пакідае сцэну і вінаваціць у гэтым «гіперактыўных блогераў»5
Гурт «Дразды» пакідае сцэну і вінаваціць у гэтым «гіперактыўных блогераў»
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга182182
Каментары