«Калі ўнучка Лукашэнкі паступіла на факультэт, усе думалі: госпадзе, хоць бы не да мяне на спецыяльнасць»
У новым выпуску ТОКу вядомая юрыстка, колішняя загадчыца кафедры міжнароднага права факультэта міжнародных адносін БДУ Кацярына Дзяйкала расказала, як на факультэце вучыліся дзеці чыноўнікаў.
Кацярына Дзяйкала заўважае, што чуткі пра залатую моладзь, якая прыязджала на вучобу на ўласных «Паршэ», моцна перабольшаныя.
«Так, там вучыліся дзеці вельмі розных бацькоў, вельмі высокіх службоўцаў, вельмі буйных бізнэсменаў, багатых людзей. Апроч гэтага, там вучыліся абсалютна звычайныя людзі і далёка не з Мінска, і вельмі таленавітыя і разумныя. То-бок, гэта зусім будзе няпраўда сказаць, што гэта факультэт толькі для залатой моладзі. Якраз я б сказала, што не, іх там была меншасць насамрэч».
Былая загадчыца кафедры адзначае, што факультэт міжнародных адносін БДУ гэта ў першую чаргу атмасфера не гледзячы на пільную ўвагу і магчымасці.
Дзяйкала згадвае, што два сыны Лукашэнкі — Віктар і Дзмітрый — скончылі ФМА. Калі яна паступіла на першы курс, Дзмітрый Лукашэнка быў на другім. На адным курсе з ім вучыўся сын тагачаснага старшыні КДБ Леаніда Ерына (2000-2004 гады) — Павел.
З Кацярынай на адным курсе вучылася дачка Уладзіміра Сямашкі (былога віцэ-прэм'ера і пасла Беларусі ў Расіі) Марына, а таксама пляменнік жонкі Лукашэнкі.
«Унучка Лукашэнкі [Вікторыя] таксама паступіла на ФМА, калі я яшчэ працавала, на міжнародныя эканамічныя адносіны. Мы ўсе сядзелі і думалі: «Госпадзе, хоць бы не да мяне на спецыяльнасць. Хоць бы толькі не да мяне», — прыгадвае Дзяйкала.
Па словах былой загадчыцы кафедры міжнароднага права, дзеці «вялікіх шышак» былі «нашмат больш сціплымі» ў сваіх паводзінах у параўнанні з дзецьмі расійскіх чыноўнікаў, якія вучыліся ў Маскоўскім дзяржаўным інстытуце міжнародных адносін.
«Я ніколі не бачыла ніводнага дзіцяці беларускага чыноўніка, і калі вучылася, і калі працавала, якое б сябе знарок нахабна паводзіла з усялякімі распальцоўкамі», — сцвярджае Дзяйкала.
Калі ж гаварыць пра адносіны да вучобы дзяцей чыноўнкаў, то яны, па словах Кацярыны, былі рознымі:
«Хтосьці рэальна вучыўся, камусьці гэта было як бы пофіг. Займаўся спакойна сваімі справамі і чакаў, пакуль ён ці яна атрымае дыплом. Але не было ніколі такога адчування, што там яны неяк сябе ставяць вышэй. Не, ніколі.
Марына Сямашка ездзіла на метро на першым курсе ва ўнівер. Можа, па-мойму, і на другім. Не памятаю, у яе машына з'явілася толькі, па-мойму, на трэцім курсе. І вучылася яна, дарэчы, таксама добра».
Глядзіце цалкам:
Дзяйкала: Наша сітуацыя не цягне на Міжнародны трыбунал у Гаазе. Важна, каб працэс над Лукашэнкам адбыўся ў Мінску
Ціханоўскую выбрала гісторыя. Макей быў беларусам. Калі Масква дасць шанец беларусам? — Віктар Шадурскі, былы дэкан ФМА, вялікая гутарка
Звольніўся па ўласным жаданні дэкан факультэта міжнародных адносін БДУ
Дзе жывуць і чым займаюцца дзеці беларускіх топ-чыноўнікаў ФОТЫ
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары