Трамп дазволіў подкуп замежных чыноўнікаў для выгод амерыканскага бізнэсу
Прэзідэнт ЗША Дональд Трамп дзеля «эканамічнай канкурэнтаздольнасці ЗША» прыпыніў дзеянне закона, які забараняе амерыканцам даваць хабар замежным чыноўнікам.
Дональд Трамп падпісаў указ, які прадпісвае Мінюсту ЗША спыніць пераслед амерыканцаў, што абвінавачваюцца ў дачы хабару замежным чыноўнікам з мэтай атрымаць бізнэс-перавагі. Указ спыняецца да таго часу, пакуль не будуць новыя інструкцыі па яго ўжыванні, накіраваныя на падтрымку канкурэнтаздольнасці амерыканскага бізнэсу.
На думку Белага дома, цяперашні закон ставіць амерыканскія кампаніі ў нявыгаднае становішча ў параўнанні з замежнымі канкурэнтамі, бо забараняе ім удзельнічаць у практыцы, якая з'яўляецца «звычайнай сярод міжнародных кампаній».
У дакуменце таксама пазначана, што гэты закон перашкаджае дасягненню замежнапалітычных мэтаў Вашынгтона.
«Нацыянальная бяспека ЗША шмат у чым залежыць ад стратэгічных бізнэс-пераваг, уключаючы здабычу карысных выкапняў, кіраванне глыбакаводнымі партамі і кантроль над ключавымі аб'ектамі інфраструктуры», — гаворыцца ва ўказе.
-
Слон з мёртвым сланянём, каёт у Сан-Францыска, пума на агароджы… Вось якія работы сталі сёлетнімі пераможцамі конкурсу «Фатограф года дзікай прыроды»
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары
Что этот перец вывернет завтра?