У мінскім заапарку з'явіўся «гібрыд» труса, капібары і аленю — мара
Патагонскую мару называюць яшчэ і патагонскім зайцам. Цяпер экзатычную жывёліну можна пабачыць у сталічным заапарку, піша «Минск-Новости».
«Калі наведвальнікі бачаць гэтую жывёлу першы раз, збянтэжана задаюцца пытаннем, што гэта за цуд-заяц на тонкіх ножках. Галава капібары, тулава труса і тоненькія ножкі невялікага аленя», — расказала супрацоўніца асветніцкага аддзела Мінскага заапарка Таццяна Солтысава.
Важыць патагонская мара 8-16 кілаграмаў, у даўжыню грызун дасягае 69-75 сантыметраў. Харчуецца звярок з Аргенціны фруктамі і лісцем.
Заднія лапкі ў патагонскіх мар даўжэйшыя за пярэднія, і перасоўваецца звярок скокамі. Хуткасць можа развіць вялікую — да 30 км/г.
Спачатку мару хацелі засяліць у адну экспазіцыі з лемурамі, але адміністрацыя запаарку вырашыла іх знаёміць паступова — чакаць, пакуль жывёліны прызвычаяцца адзін да аднаго.
«Лемураў новыя суседзі ладна забаўлялі. Прычым асобныя самыя цікаўныя прыматы звешваліся з ліян і спрабавалі пакратаць нябачанага дагэтуль звера». Мары першы час палохаліся такой настырнасці, але потым зразумелі, што даўгахвостыя не ўяўляюць небяспекі, і спазналі дзэн», — кажа Таццяна Солтысава.
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары