У кітайскіх рэстаранах замест бараніны і ялавічыны могуць падаваць мяса янотаў і ліс
З расследавання журналістаў кітайскай газеты The Paper вынікае, што ў некаторыя рэстараны Кітая дастаўляюць тушкі ліс і янотаў, выгадаваных на фермах для вытворчасці футра. Таксама такое мяса прадаюць анлайн і пастаўляюць прыватным асобам.
Паведамляецца, што жывёлагадоўчыя фермы ў рэгіёнах Таншань, Хэбэй, Вэйфан, Ліньі і Шаньдун прадаюць тушкі янотаў і ліс з выдаленымі ўнутранымі органамі і падскурным тлушчам, выдаючы іх за ялавічыну, бараніну або мяса труса. Для таго, каб абцяжарыць ідэнтыфікацыю, многія прадаўцы нават тушаць і смажаць фальшывае мяса, а пасля замарожваюць яго і прадаюць у рэстараны.
Такія тушкі важаць ад 3 да 3,5 кілаграмаў, а іх кошт складае прыкладна 20 юаняў (2,80 даляраў ЗША), расказаў адзін з прадаўцоў, які не падазраваў, што гаворыць з журналістам пад прыкрыццём.
Эксперты адзначаюць, што падобнае мяса небяспечнае для чалавека праз тое, што пушныя жывёлы вырошчваюцца ў антысанітарных умовах, а ў іх крыві знаходзіцца мноства таксічных лекаў і гармонаў.
Да таго ж для таго, каб такое мяса было падобным на ялавічыну, бараніну або труса, выкарыстоўваюць хімічную «мясную эсэнцыю», якая «кардынальна» мяняе смак прадукту.
Паводле звестак журналістаў, асабліва шмат такога мяса прадаецца ў лістападзе і снежні, калі ідзе нарыхтоўка футра.
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма8
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары