Колькасць актыўных штомесячных карыстальнікаў месенджара Telegram упершыню перавысіла 1 мільярд чалавек, і ён выйшаў на другое месца ў свеце па папулярнасці сярод такіх сэрвісаў. Пра гэта паведаміў заснавальнік Telegram Павел Дураў.

Калі не ўлічваць кітайскі WeChat (які сапраўды з'яўляецца даволі спецыфічным дадаткам), то цяпер па масавасці сярод сэрвісаў для абмену паведамленнямі дзецішча Дурава саступае толькі WhatsApp.
Пры гэтым Дураў даволі зняважліва выказаўся пра WhatsApp, назваўшы яго «таннай імітацыяй Telegram». Паводле яго слоў, «на працягу многіх гадоў яны рупліва спрабавалі скапіраваць нашы інавацыі, спальваючы мільярды на лабісцкія і PR-кампаніі».
Уладальнік Telegram таксама паведаміў, што ў сярэднім кожны карыстальнік адкрывае дадатак 21 раз на дзень, а за суткі праводзіць у ім 41 хвіліну. Прыбытак месенджара ў 2024 годзе Дураў ацаніў у $547 мільёнаў.
Каментары