20-гадовы беларускі форвард Андрэй Лашко падпісаў трохгадовы кантракт навічка на суму $2 610 000 з клубам НХЛ «Сіэтл Кракен», паведамляе «Беларускі хакей».
Яго кантракт уступіць у сілу з сезона-2025/2026 і скончыцца ў канцы сезона-2027/28, калі Лашко споўніцца 23 гады.
Сярэднегадавы заробак беларуса ў выпадку гульні ў НХЛ складзе $870 000 (з іх $775 000 — базавы заробак і $95 000 — падпісны бонус).
У фарм-клубе Лашко за тры гады можа зарабіць $242 500 ($80 000/$80 000/$82 500).
Андрэй быў выбраны «Сіэтлам» на драфце-2023 НХЛ у 4 раўндзе пад агульным 116 нумарам.
У гэтым сезоне ўраджэнец Жлобіна гуляў за «Ніягару АйсДогз» у хакейнай лізе Антарыа (OHL).
У рэгулярцы ён правёў 67 матчаў і набраў 70 (34+26) ачкоў, з каэфіцыентам карыснасці «-18» і 21 хвілінай штрафу. У плэй-оф у Лашко 5 гульняў, 6 (2+4) балаў, карыснасць «-4», 2 хвіліны штрафу.
Цэнтрфорвард выступае ў Канадзе ўжо чацвёрты год. Раней ён гуляў тры сезоны ў лізе QMJHL (Галоўная юніёрская хакейная ліга Квебека): адзін год — за «Шыкуцімі Сагенінс», два гады — за «Руэн-Норанда Хаскіс».
Лашко выступаў за юніёрскую зборную Беларусі на чэмпіянаце свету-2021. Ён з'яўляецца выхаванцам жлобінскага «Металурга».
Калі Андрэй загуляе ў НХЛ, ён стане там 17-м беларусам з 1992 года. У гэтым сезоне ў НХЛ гуляюць Аляксей Протас «Вашынгтон»), Ягор Шаранговіч, Ілля Салаўёў («Калгары»), Уладзіслаў Калячонак («Пітсбург»), Аляксей Коласаў («Філадэльфія»)
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары