Выглядае так, што спектакль з бусам рыхтаваўся КДБ у апошні момант, надта хутка, без старанна падрыхтаванай легенды, але з мэтай абавязкова паспець да прыезду Турчына ў Маскву. Разлік быў на тое, што Крэмль заглыне гэту абракадабру і дасць каманду расейскай прапагандзе падхапіць тэму і стварыць прывабную для Крамля версію. А Турчыну ў якасці падзякі за "абарону саюзнай дзяржавы" атрымаецца здабыць у Крамлі жывых грошаў, бо апошнія візіты Лукашэнкі в Маскву нічога істотнага не прынеслі. Ну нельга ж ліць поспехам чарговую адтэрміноўку расейскіх крэдытаў, якія адразу ж ніколі вяртаць не планавалася. У Крамлі ўсё зразумелі, таму на першы погляд вельмі перспектыўную тэму "падрыхтоўкі ўкраінскімі спецслужбамі крывавага тэракта" праігнаравалі, а грошаў Турчыну не далі. Гісторыя з бусам не "ўзляцела" і амаль што адразу ж ператварылася у валізку без ручкі: нібыта затрымана звыш за паўтоны выбухоўкі (рэкорд!), а з які бок разганяць гэту гісторыю далей - у Менску не разумеюць. Таму тое, што кажа "Манько" ў інтэрв'ю прапагандыстам не паддаецца аніякаму лагічнаму аналізу і ужо пачынае нагадваць гісторыю з перахопам перамоў Ніка і Майка.
Кіроўца машыны з выбухоўкай паведаміў, што вёз яе ў Пяцігорск нейкаму Аліму