Перасылка рылса ў інстаграме можа вас выдаць. Гэтую функцыю нельга адключыць, але можна абараніць сябе — вось як
З нядаўняга часу інстаграм пачаў дадаваць у спасылкі з матэрыяламі, якімі вы дзеліцеся, спасылку на ваш акаўнт, на які прапануюць падпісацца. Гэта можа быць небяспечна, калі вы хочаце захаваць прыватнасць (і тым больш ананімнасць). Калі ў TikTok гэта можна адключыць, то ў інстаграме — не. Але калі быць уважлівым, то можна абараніць сваю прыватнасць.
Калі вы скапіруеце нешта, чым хочаце падзяліцца (напрыклад, відэа «Нашай Нівы») у інстаграме і скапіруеце спасылку на публікацыю праз праграму інстаграма (напрыклад, на андроідзе ці айфоне), а пасля дашлеце яе некаму, не рэдагуючы, то яна будзе мець такі выгляд:
https://www.instagram.com/reel/DIYMVTboJ7M/?igsh=************==
То-бок, у яе дадаецца параметр igsh. Гэта дазваляе пабачыць, з якога менавіта акаўнта было расшэранае відэа. Гэта можа быць праблемай, асабліва калі вы расшэрылі нешта ў публічным чаце або вялікай суполцы. Візуальна гэта выглядае так:
Адметна, што калі абраць опцыю «Share» ў інстаграме, то ў любым выпадку спасылка будзе мець гэты дадатковы хвост. А ў выпадку з Telegram спасылка будзе адразу дасланая з параметрам igsh, якія дазваляе пабачыць ваш акаўнт (Whatsapp хаця б дае магчымасць рэдагаваць спасылку).
Адзіны шлях, як можна надзейна абараніцца, даволі тапорны. Калі вы хочаце падзяліцца спасылкай на нешта, то спачатку скапіруйце яе ў праграме інстаграма з дапамогай функцыі Copy link (скапіраваць спасылку), пасля ўстаўце туды, дзе хочаце ёй падзяліцца, і ўручную выдаліце ўсё, што знаходзіцца пасля сімвалаў «?igsh=» разам з імі.
Вось як будзе выглядаць у такім выпадку спасылка на адно з відэа «Нашай Нівы» (заўважце, што там няма нічога пасля сімвала «/», гэтая частка выдаленая — і гэта адзінае, што змянілася):
https://www.instagram.com/reel/DIYMVTboJ7M/
Калі частку з параметрам igsh не выдаліць, то суразмоўцу па змоўчанні будзе відаць, з якога акаўнту вы распаўсюдзілі відэа. Ніякіх налад, якія б дазвалялі выключыць гэтую функцыю, не існуе.
«Наша Нiва» — бастыён беларушчыны
ПАДТРЫМАЦЬЦяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары
так что скорее - "возвращение к корням" )))