Ён паляцеў знішчаць безэкіпажныя катары — а яны знішчылі яго. Ваенныя караблі не рашаліся падплыць і падабраць лётчыкаў, якія катапульціраваліся.
Увечары 2 мая над Чорным морам быў збіты знішчальнік расійскай марской авіяцыі Су-30. Гэта адбылося за 50 км на захад ад Наварасійска.
З паведамленняў Z-каналаў вымалёўваецца наступная карціна.
Некалькі дзясяткаў украінскіх безэкіпажных катараў рушылі ў бок Наварасійска. Адначасова з гэтым з раёна Адэсы былі запушчаныя дзясяткі дронаў з цэлямі ў тым жа Наварасійску.
Расійскі Су-30, які адправіўся на перахоп, сам трапіў пад агонь з катараў і быў збіты. Лётчыкі катапульціраваліся, але падабраць іх з вады не было каму. Ні вайсковыя караблі, ні верталёты не рашаліся падабрацца на месца здарэння, каб не быць падбітымі.
У выніку лётчыкаў забраў грамадзянскі сухагруз, які праплываў непадалёку. Украінцы вырашылі не атакаваць яго, нягледзячы на наяўнасць ваеннай цэлі на борце.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»5
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары
"Катар" як "карабель" таксама сустракаецца ў слоўніках, аднак толькі слоўніках перакладаў з іншых моў. У тлумачальных бел.літ.мовы "катар" - толькі хвароба, "катэр" - карабель.