«Гнілы вяртлявы під*рас. І *уясос». Азаронак назваў Калеснікава з пула Пуціна словамі, незвычайнымі нават для сваіх эфіраў
Рэпартаж супрацоўніка расійскага «Коммерсанта» Андрэя Калеснікава пра ўдзел Лукашэнкі ў парадзе ў Маскве выклікаў сапраўдны прыступ шаленства з боку лукашэнкаўскага прапагандыста Рыгора Азаронка. Ён выступаў гэтым разам не проста па-хамску, што для яго звычайна, але абсалютна адкрыта выкарыстоўваў нецэнзурную лексіку.
У жывым эфіры сваёй праграмы «Азарёнок напрямую», госцем якой гэтым разам быў іншы прапагандыст Андрэй Лазуткін, Азаронак згадаў пра рэпартаж Андрэя Калеснікава.
Пералічыўшы некалькі даўніх выпадкаў, у якіх журналіст пула Пуціна з газеты «Коммерсантъ» быў, на ягоную думку, некарэктны, калі пісаў пра замежных палітыкаў, Азаронак працытаваў фрагмент ягонага сённяшняга артыкула, у якім сцвярджаецца, што Лукашэнка не ўставаў на парадзе падчас праходжання беларускіх вайскоўцаў. Пасля гэтага было прадэманстравана відэа, на якім Лукашэнка вітае гэтых вайскоўцаў стоячы.
І тады ўжо Азаронак даў сабе волю, не стрымліваючыся ў выразах настолькі, што нават прысутны ў студыі Лазуткін часам ад няёмкасці прыжмурваўся.
«Андрэй Калеснікаў, ты гнілы вяртлявы під*рас. І *уясос. Кончанае чмо і аблёваны ліберал. І ўся твая газетка гэтая «Буржуй» — туалетная папера…», — вяшчаў прапагандыст.
Пасля гэтага ён паабяцаў пры сустрэчы разбіць Калеснікаву «хлябала», каб ён «лепш бачыў сваімі зенкамі, тупымі, п'янымі, ванючымі, бруднымі, ліберальнымі зенкамі».
«Тваё баблішча, якое ты жарэш, як сука, яно табе не дапаможа, пачвара», — прарочыў Азаронак і прыгразіў напусціць на Калеснікава «ветэранаў спецыяльнай ваеннай аперацыі», якія яму «памяняюць месцамі ж*пу з галавой». Напрыканцы спіча ён назваў свайго завочнага апанента «б**дзінай».
«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад
Азаронак так стараўся хутчэй расхваліць Лукашэнку, што спехам запосціў крамолу
Азаронак адказаў блогерцы: Падняў ж*пу і прашвырнуўся па гандлёвых кропках
Гладкая назвала Бондараву і Мірсалімаву чарвямі. Азаронак і Лук’янаў патрабуюць ліквідацыі
Каментары
Такога ніколі не было.
раней лука мог адбіцца, а зараз не можа.
Таму гэтыя гістэрыкі грышы - толькі луку пацешыць, ды мабыць "патрыётам лукі" нешматлікім імпрэза, што луку яшчэ огого.