Алі Хаменеі папярэдзіў ЗША і заявіў, што Іран не адмовіцца ад узбагачэння ўрану
Між ЗША і Іранам нарастае напружанасць на фоне працяглых, але ўсё менш выніковых перамоваў па іранскай ядзернай праграме.
Вярхоўны лідар Ірана Алі Хаменеі рэзка адрэагаваў на патрабаванні ЗША спыніць узбагачэнне ўрану, назваўшы іх «вялікай памылкай», піша Bild.
«Ім [амерыканцам] варта пастарацца не казаць глупстваў. Ісламская Рэспубліка не чакае дазволу ні ад кога», — дадаў ён.
Амерыканскі спецпасланнік Стыў Уіткаф, прызначаны Дональдам Трампам, агучыў у адказ жорсткую пазіцыю Вашынгтона.
«Мы не можам дапусціць нават адзін адсотак магчымасцей па ўзбагачэнні», — сказаў ён.
Паводле яго слоў, ЗША настойваюць на поўнай адмове ад ядзернай праграмы як умове для любога пагаднення.
Міжнароднае агенцтва па атамнай энергіі выказвае трывогу: Іран — адзіная краіна без ядзернай зброі, якая ўзбагачае ўран да ўзроўню 60%, што набліжаецца да ўзроўню зброевага (90%). Паводле дадзеных экспертаў, запасы ўзбагачанага ўрану ў Іране ўжо складаюць 275 кілаграмаў — тэарэтычна гэтага дастаткова для вытворчасці некалькіх баявых галоў.
На гэтым фоне іранскі бок адхіліў працяг перамоваў у цяперашнім фармаце. Адзін з удзельнікаў перамоваў з боку Ірана заявіў, што «без права на ўзбагачэнне для нас не існуе ніякага пагаднення».
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі23
Каментары
Яны дурнямі будуць, калі ад яго адмовяцца.
украінцы вунь некалі адмовіліся.
таксама шмат балабольства было, і ўгоды і гарантыі.
Калі Мэір Голда пагражала застасаваць яд зброю " якой німа але калі спатрэбіцца " Яна самагубствам жадала скончыць гісторыю Ізраіля..у Пакістане Іране нашмат болей застанецца