Лукашэнка: Продажы калійных угнаенняў вярнуліся на дасанкцыйны ўзровень
Продажы беларускіх калійных угнаенняў вярнуліся на ўзровень, які быў да ўвядзення санкцый. Пра гэта Лукашэнка заявіў 23 мая падчас выязнога пасяджэння па пытаннях будаўніцтва і ўводу ў эксплуатацыю горна-ўзбагачальнага комплексу ў Любанскім раёне, піша БелТА.
«Увялі санкцыі супраць калійных угнаенняў — ну і што? Сёння кіраўнік Андрэй Рыбакоў (генеральны дырэктар ААТ «Беларуськалій») дакладвае, што яны выйшлі на продажы калійных угнаенняў дасанкцыйнага перыяду. Немагчыма санкцыямі стрымліваць развіццё любой краіны, нават невялікай. Немагчыма», — падкрэсліў Лукашэнка.
Ён таксама адзначыў непаслядоўнасць заходніх краін:
«Тыя, хто ўводзіць санкцыі, калісьці — памятаеце — выступалі за глабалізацыю. За глабальныя сувязі і іншае. Дык усе краіны завязаны ў гэтую глабалізацыю, як сёння можна вырваць нейкае звяно з ланцужка? Немагчыма».
«Мінеральныя ўгнаенні будуць патрэбныя заўсёды. Таму ў гэтым напрамку будзем дзейнічаць», — дадаў Лукашэнка.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары