У горадзе Гайнаўка кандыдат ад Грамадзянскай платформы атрымаў 59,5% галасоў, перамог ён таксама ў Гарадку і Супраслі.
Вясковыя раёны Падляшша, заселеныя беларусамі, сталі адзінымі ва Усходняй Польшчы, дзе перамог кандыдат ад урадавай кааліцыі. У цэлым у краіне за Рафала Тшаскоўскага галасавалі вялікія гарады, а за Караля Наўроцкага — вёска і малыя гарады. Беларуская зона стала выняткам.
У горадзе Гайнаўка кандыдат ад Грамадзянскай платформы атрымаў 59,5% галасоў. У Чыжах — 60,6%. У Орлі — 57,8%, у Гарадку — 60,9%, у Супраслі — 52,8%.
Ваяводскі цэнтр Беласток даў Тшаскоўскаму 51% галасоў.
Трэба адзначыць, што папулярнасць Тшаскоўскага на Падляшшы знізілася проці вынікаў другога тура 2020 года. Гэтым Падляшша розніцца ад краіны ў цэлым, дзе папулярнасць кандыдата-ліберала засталася нязменнай: 48,9% у 2020-м, 49,1% у 2025-м. У той жа час у Беластоку Тшаскоўскі набраў на 1,2% менш, у Гарадку — на 4,9% менш, у Гайнаўцы і Супраслі — на 3,8% менш.
Чытайце таксама: У беларусаў Польшчы былі прычыны не галасаваць за Тшаскоўскага
Караль Наўроцкі ўчора заявіў, што аб’яднае патрыятычны лагер у Польшчы, лагер людзей, «якія хочуць нармальную Польшчу без нелегальных мігрантаў».
У палітычным сэнсе яго перамога азначае, што ў Польшчы захаваецца статус-кво: суіснаванне прэзідэнта-кансерватара і ўрада, утворанага ліберальнымі і левымі партыямі.
Наўроцкі — праціўнік запрашэння Украіны ў НАТА і выступае супраць яе паскоранага ўступлення ў ЕС.
Ён таксама супраць паглыблення еўрапейскай інтэграцыі і за ўмацаванне каталіцкіх падмуркаў польскай тоеснасці.
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары
А калі дакладна, то 51% умоўных беларусаў Беластоку прагаласавалі за мэра, астатнія 49% за Наўроцкага.