Ізмайлаўскі суд Масквы прысудзіў 20-гадовай грамадзянцы Беларусі Жасміне Александровіч 6 гадоў калоніі за спробу прадаць сваю нядаўна народжаную дачку.
Інцыдэнт адбыўся 14 лютага 2025 года ў Маскве. Александровіч сустрэлася ў кватэры на 3-й Паркавай вуліцы з мужчынам і жанчынай, якім прадала сваю дачку за 200 тысяч расійскіх рублёў (3 тысячы даляраў). Разам з дзіцем яна перадала ім і пісьмовую адмову ад яго.
Пазней высветлілася, што гэтыя людзі былі супрацоўнікамі паліцыі, якія праводзілі аператыўнае мерапрыемства, піша rtvi.com
Дзяўчыну затрымалі адразу пасля перадачы дзіцяці і распіскі аб атрыманні грошай. У інтэрнэце яна размяшчала аб'яву аб продажы дачкі, у якой гаварылася: «забярыце ў мяне дзіця за матэрыяльную ўдзячнасць».
Паводле расійскага заканадаўства, за такое злачынства прадугледжана пакаранне да 10 гадоў пазбаўлення волі.
Следчы камітэт Расіі ў Маскве ўзяў расследаванне пад асабісты кантроль старшыні СКР Аляксандра Бастрыкіна.
Дзіця знаходзіцца ў спецыялізаванай медыцынскай установе, і пракуратура Масквы паведамляе, што далейшае «жыццёўладкаванне малой» знаходзіцца пад яе кантролем.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні9
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары
То былі плёткі?