Віцэ-прэм'ер канстатавала, што апошнім часам няма гучных прэм'ер ад «Беларусьфільма», карцін, якія абмяркоўвалі б гледачы.
Айчынны кінематограф у яго цяперашнім стане краіне не патрэбны, але ёсць надзея, што моладзь яго адродзіць. Пра гэта заявіла журналістам віцэ-прэм'ер Наталля Пяткевіч па выніках нарады ў Лукашэнкі па пытаннях развіцця нацыянальнага кінематографа, піша БелТА.
Яна адзначыла, што размова была жорсткая, але сумленная і справядлівая. «Бо столькі, колькі Лукашэнка надае ўвагі і кіно, і наогул мастацтву, яго развіццю ў нашай краіне, колькі сродкаў у гэта ўкладзена на працягу дзесяцігоддзяў… давайце будзем шчырыя — адпаведнай аддачы няма», — сказала Наталля Пяткевіч.
Яна канстатавала, што апошнім часам няма гучных прэм'ер ад «Беларусьфільма», карцін, якія абмяркоўвалі б гледачы. Успамінаюцца ў асноўным толькі кінастужкі мінулых гадоў. Хоць для падтрымкі айчыннага кінематографа з боку дзяржавы робіцца вельмі шмат, пачынаючы ад фінансавання і заканчваючы прававой падтрымкай.
«Такая размова наспела даўно. Вельмі шкада, вядома, што прыйшлося яе выносіць на ўзровень Лукашэнкі. У тым стане, у якім зараз кіно, па вялікім рахунку, яно нам не трэба. Бо мы яго не бачым. Яго няма па сутнасці. Але ёсць вельмі вялікія надзеі, што новае кіраўніцтва (нядаўна прызначаны новы кіраўнік кінастудыі «Беларусьфільм»), новы міністр культуры, які ведае і разумее кіно… У іх ёсць жаданне штосьці рабіць. Вельмі хочацца, каб мы ўсе, грамадзяне Беларусі, атрымалі наша, беларускае кіно», — падкрэсліла віцэ-прэм'ер.
-
Іван Прус расказаў, як нажыўся на 200 даляраў, пасяліўшы кіназорку ў занядбанай кватэры каля сметніка ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Цяпер чытаюць
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары