Еўрапейская камісія плануе забараніць еўрапейскім тэрміналам для прыёму звадкаванага прыроднага газу (ЗПГ) абслугоўваць расійскіх кліентаў. Гэта абмежаванне можа ўступіць у сілу з 1 студзеня 2026 года. Пра гэта паведамляецца ў праекце рашэння, які плануюць апублікаваць 17 чэрвеня, піша Reuters.
Для ўжо дзейных кантрактаў прадугледжваецца адтэрміноўка на год — да 17 чэрвеня 2026 года, а поўнае спыненне працы з расійскімі кампаніямі павінна адбыцца не пазней за 31 снежня 2027 года.
Таксама імпарцёры газу будуць абавязаныя раскрываць інфармацыю пра паходжанне паліва, каб даказаць, што яно не расійскага паходжання. Гэта неабходна для таго, каб еўрапейскія мытныя і энергетычныя органы маглі кантраляваць выкананне забароны.
У дакуменце адзначаецца, што калі газ дакладна мае расійскае паходжанне, то імпарт забаронены, а ў іншых выпадках імпарцёры павінны падаваць дакументы, якія пацвярджаюць яго іншае паходжанне.
У 2024 годзе ЕС імпартаваў з Расіі каля 25 мільярдаў кубаметраў звадкаванага газу — удвая менш, чым з ЗША. Пры гэтым пастаўкі расійскага ЗПГ у ЕС павялічыліся, у адрозненне ад паставак па трубаправодах, якія знізіліся з 155 да 40 мільярдаў кубаметраў з 2021 года.
ЕС ставіць мэту — цалкам адмовіцца ад расійскіх энергарэсурсаў да канца 2027 года, у тым ліку як па доўгатэрміновых дамовах, так і па спотавых кантрактах.
Цяпер чытаюць
Былы палітвязень знайшоў у Вільні падпрацоўку ў чаце — і трапіў пад крыміналку за правакацыі супраць Украіны14
Каментары
Пфф, да 2028 Пуціна цалкам задавальняе.
Нагадаю, што ў 2024 ЕЗ набыў у Расеі нафтапрадуктаў на 21.3 мільярд. А Ўкраіне дапамог на 16.