Папулярная гродзенская блогерка прарэкламавала краму з таварамі, вырабленымі ў калоніях. Аўдыторыя не ацаніла
«Этычны блогер» Леначка Лукашык зрабіла агляд крамы МУС і выклікала абурэнне ў каментарах.
Папулярная блогерка з Гродна Леначка Лукашык наведала краму «Едін», якая адкрылася ў тэставым рэжыме. У ёй прадаюць тавары, зробленыя на прадпрыемствах Дэпартамента выканання пакаранняў МУС. Блогерка прарэкламавала асартымент:
«Тут можна знайсці прадукцыю для сада і дома, разнастайную мэблю, сувеніры, тэкстыль, розныя карціны і прадметы інтэр’еру».
Дзяўчына падкрэсліла, што ўся прадукцыя — ручной работы.
Афіцыйнае адкрыццё крамы запланавана на наступны тыдзень.
У каментарыях пад ролікам пачалі абурацца.
«Вельмі этычная рэклама рабскай працы. Цяпер бы рэкламаваць такое ў краіне, дзе агромністая колькасць палітзняволеных», — пішуць.
«Ну то бок, тавары, зробленыя ў тым ліку і рукамі палітзняволеных», — гучыць адзін з самых упадабаных каментароў.
«Зусім ужо? Гэта, у тым ліку, тавары, якія робяцца палітычнымі зняволенымі рэжыму Лукашэнкі», — абураецца іншы каментатар.
«За гэтымі таварамі — пакуты і рабская праца людзей, якіх улада кінула за краты за іх погляды. Рэкламаваць такое — амаральна».
Каментар, які набраў найбольшую колькасць падабаек, гучыць так:
«Рэклама прадукцыі, якую вырабляюць зняволеныя. Зарплата зняволеных — прыкладна 0,5 даляра ў дзень. Гэта рабская праца. Рабства ў XXI стагоддзі. Неэтычна рэкламаваць такую прадукцыю — гэта амаральна».
Аўтарка каментара таксама напісала, што даслала скаргу ў Instagram на гэтае відэа і заклікала іншых зрабіць тое самае.
«Ручная праца? Чым гэтая праца адрозніваецца ад працы ў нямецкіх канцлагерах?» — задаецца пытаннямі яшчэ адзін карыстальнік.
Некаторыя напісалі, што для блогеркі грошы не пахнуць, а «пераабувацца» будзе складана.
Сама Лукашык у апісанні сябе акрэслівае як «этычны блогер».
На момант падрыхтоўкі матэрыялу толькі адна каментатарка падтрымала блогерку і сам факт працы вязняў.
Хто такая Леначка Лукашык?
Леначка Лукашык — 33-гадовая гродзенка з амаль 17 тысячамі падпісчыкаў у Instagram. Блог яна вядзе ўжо каля 10 гадоў, за якія паспела папрацаваць у розных сферах.
Лукашык 9 гадоў адпрацавала тэхнікам-інжынерам у гродзенскім вадаканале, 3,5 года — офіс-менеджарам у ІТ-кампаніі. Цяпер жа прасоўвае два рэстараны.
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам1
Каментары
В 33 ты Ленища.
Продвигать изделия рабов 21 века...
Ленища - ты позор Беларуси!