У выніку іранскай ракетнай атакі ў ноч на панядзелак у Ізраілі загінулі тры чалавекі і 67 чалавек атрымалі раненні.
Улады горада Петах-Тыква паведамляюць пра траплянне ракеты ў дом; пра траплянні ракет (збітых ці прамых трапленняў — пакуль не ясна) паведамляе і паліцыя Тэль-Авіва.
Агенцтва Reuters перадае, што брытанская маніторынгавая фірма Ambrey пацвярджае ранейшыя паведамленні пра пажар на электрастанцыі побач з портам у Хайфе.
Афіцыйныя структуры Ізраіля пакуль нічога пра разбурэнні ў Хайфе не заяўлялі.
Тым часам колькасць загінулых у горадзе Бат-Ям у нядзелю вырасла да дзевяці: ізраільскія ратавальнікі ў ноч на панядзелак дасталі з-пад завалаў жылога дома, у які трапіла іранская ракета, яшчэ два целы.
Без звестак зніклым у Бат-Яме застаецца яшчэ адзін чалавек.
Раней Міністэрства замежных спраў Украіны паведамляла са спасылкай на папярэднія даныя свайго пасольства ў Ізраілі, што пяцёра з загінулых у Бат-Яме былі грамадзянамі Украіны, і сярод іх — трое дзяцей.
Да гэтага паведамлялася, што сярод загінулых было як мінімум двое дзяцей: 10-гадовы хлопчык і 8-гадовая дзяўчынка.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак11
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары