Таксама прэзідэнт ЗША датэрмінова пакінуў саміт G7.
Прэзідэнт ЗША Дональд Трамп заявіў праз твіт, што ўсім жыхарам Тэгерана трэба неадкладна эвакуявацца, піша Бі-бі-сі.
«Ірану трэба было падпісаць гэтую «здзелку», якую я загадаў ім падпісаць. Як шкада, колькі марных смерцяў. Прасцей кажучы, ІРАН НЕ МОЖА МЕЦЬ ЯДЗЕРНАЙ ЗБРОІ. Я гаварыў пра гэта зноў і зноў! Усім трэба неадкладна эвакуявацца з Тэгерана!», — гаворыцца ў паведамленні Трампа ў яго сетцы TruthSocial.
Як гэта часта бывае з заявамі Трампа, што менавіта ён меў на ўвазе, незразумела.
Неўзабаве пасля таго, як Дональд Трамп праз твіт заявіў, што ўсім жыхарам Тэгерана трэба неадкладна эвакуявацца, яго прэс-сакратар аналагічным чынам абвясціла, што ён датэрмінова пакідае саміт «вялікай сямёркі» ў Канадзе, каб «заняцца многімі важнымі справамі».
«З-за таго, што адбываецца на Блізкім Усходзе, прэзідэнт Трамп выедзе сёння пасля вячэры з кіраўнікамі дзяржаў», — напісала прэс-сакратар Белага дома Кэралайн Левіт у сетцы X.
Таксама Трамп загадаў склікаць у Белым доме пасяджэнне Рады нацыянальнай бяспекі — пра гэта паведамілі журналісты двух амерыканскіх тэлеканалаў.
Спачатку пра рашэнне Трампа тэрмінова склікаць Раду нацбяспекі ў сітуацыйным кабінеце ў Белым доме паведаміў у сетцы X рэпарцёр Fox News, неўзабаве такую ж інфармацыю атрымала ад ананімнай крыніцы ў адміністрацыі Трампа тэлекампанія CNN.
CNN дадае, што яе крыніца не ўдакладніла, хоча Трамп склікаць раду неадкладна, ці ўжо па вяртанні з Канады.
У склад Рады нацыянальнай бяспекі ЗША ўваходзяць вышэйшыя службовыя асобы, уключаючы дзяржаўнага сакратара, міністра абароны і дырэктара нацыянальнай разведкі.
Цяпер чытаюць
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары