У адным з інтэрнатаў Магілёва на вуліцы Грышына ў мікрараёне Тэхнапрыбор пасяліліся дзве сям’і пустальгоў — рэдкіх сокалаў, занесеных у Чырвоную кнігу Беларусі. Іх знайшоў мясцовы жыхар Аляксей Барысаў, які назірае за птушкамі з вясны, робіць фатаздымкі і дзеліцца сваімі ўражаннямі, піша «Смартпрэс».
Аляксей Барысаў расказаў, што кожная сям’я жыве на сваёй частцы гарышча і ўжо мае птушанят.
Пустальгі актыўна палююць у мікрараёне, што прыцягвае шмат мясцовых «гледачоў». Аляксей чуў, што работнікі інтэрната збіраліся закрыць нішы, дзе жывуць птушкі, але калі даведаліся, што гэта ахоўны від, ад сваёй ідэі адмовіліся.
Загадчыца інтэрната Ларыса Цімафеева пацвердзіла, што гнёзды сапраўды ёсць, і падкрэсліла: пустальгі нікому не перашкаджаюць, таму высяляць іх ніхто не будзе. Нішы ў вокнах застануцца адчыненымі, а вось тэхнічныя каналы для вентыляцыі закрыюць — каб пазбегнуць засялення гарышча галубамі.
Пустальга — птушка III катэгорыі аховы, гэта значыць — рэдкі від, але пакуль яшчэ не на мяжы знікнення. У апошнія гады гэтыя сокалы ўсё часцей абіраюць для жыцця гарадскія будынкі, утвараючы цэлыя «гарадскія калоніі». Пустальгі змагаюцца з грызунамі, таму могуць быць карыснымі для гарадскога асяроддзя.
У Беларусі аднаўляюць папуляцыю чырванакніжнай кумжы
«Попыт будзе задаволены вельмі хутка». Ігар Шуневіч расказаў пра перспектывы палявання на мядзведзя і рысь
У Магілёве рыбакі налавілі ў Дняпры чырванакніжнікаў і атрымалі вялікі штраф з хатняй «хіміяй»
Пад Гроднам заўважылі вельмі рэдкую чырванакніжную пчалу
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»20
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары