«Казырамі не раскідваюцца. Бацька перайграў і знішчыў». Як прапаганда патлумачыла вызваленне Ціханоўскага
Вызваленне Сяргея Ціханоўскага, якое адбылося ў сувязі з сустрэчай Аляксандра Лукашэнкі з амерыканскім спецпасланнікам Кітам Келагам сталі падставай для актывізацыі беларускай прапаганды. Трэба было неяк патлумачыць сваёй аўдыторыі, чаму варта было трымаць Ціханоўскага пяць гадоў за кратамі і адначасова чаму яго вызваленне — адзіна правільнае і своечасовае рашэнне.
«Ціханоўскі-гейт»
Вызваленне Ціханоўскага паказваецца як частка вялікай гульні, у якой Лукашэнка выкарыстоўвае палітвязняў у якасці козыраў.
Канал Белтэлерадыёкампаніі News.by піша:
«У Беларусі не прынята раскідвацца козырамі дзеля мясцовай палітычнай драмы — іх берагуць для адпаведнага моманту. І гэты момант наступіў. Ключавое — што гісторыя з «Ціханоўскі-гейт» выкарыстоўвалася змагарамі і іх куратарамі для асабістага піяру і набівання кішэняў грантамі, тады як Беларусь абярнула яе на дабро краіны».
Сяргей Ціханоўскі ў якасці палітвязня, па інтэрпрэтацыі прапагандыстаў, быў выгадны апазіцыі, якая быццам бы выкарыстоўвала яго імя для збору грошай, прыцягнення ўвагі і ўнутраных маніпуляцый. Таму яго вызваленне — гэта, як сцвярджае прапаганда, удар па самім апазіцыйным асяроддзі.
Канал News.by сцвярджае:
«Бацька перайграў і знішчыў. Пяць гадоў усё кодла падофісных змагароў насілася з кейсам «Ціханоўскі» як з сакральным медыйным скарбам.
Менавіта пад Сярожу збіраліся грошы з даверлівых лахоў і сарасанятаў. Менавіта гэтым, яшчэ выразным, тварам гандлявала ўся бчб-супольнасць — дзеля бабла».
Журналістка Гладкая ў сваім стылі ператварае вызваленне палітвязняў у лаканічны пагардлівы каментар:
«Ціханоўскі, Лосік і г.д. Проста выкінем смецце».
Адметна, што яна не мела ніякай інфармацыі пра імёны вызваленых і прачытала навіны ў незалежных СМІ — якія спачатку памылкова дадалі Ігара Лосіка ў спіс вызваленых.
Анархія ў стане ворага
Прапаганда прадракае, што вызваленне Ціханоўскага прывядзе да расколу ў апазіцыі. Ігар Тур перакананы:
«Лукашэнка зноў усіх перайграў. Чакаем, што з усіх бакоў у беглых пачнецца мачылава — муж супраць усіх, усе супраць сямейнай пары за ўладу, што засталася, і гранты. Анархія ў ворага — усё, як мы любім. І актыўна той анархіі садзейнічаем».
Аўтары канала «На Западном фронте» дадаюць драматызму:
«У змагароў выбілі апошнія «козыры». Змагары, мы ж казалі, што сёння для вас пачынаецца новая эра. На шахматнай дошцы папаўненне. Захапляльны экшн-трылер пачаўся, таму запасаемся папкорнам, бо ў найбліжэйшай будучыні нас чакаюць самыя гарачыя і вострасюжэтныя павароты. Бяжыце! У добры шлях, дарагія выпускнікі!»
«У Бацькі яшчэ ёсць козыры»
Прапагандысты пішуць, што вызваленне палітвязняў і сустрэча з амерыканцамі — толькі пачатак вялікай гульні. Лукашэнка, маўляў, не сказаў апошняга слова.
Канал News.by робіць недвухсэнсавы пасыл:
«У Бацькі яшчэ ёсць козыры ў рукаве. Пайшла гульня па-буйному».
Канал «Беларускі сілавік» дадае геапалітычны кантэкст:
«А што, калі цяпер у Еўропу пойдзе беларускі газ і нафта… калі вы разумееце, пра што я».
«Пасля падобных візітаў, як паказвае практыка, варта чакаць актывізацыі дыпламатычных і неафіцыйных кантактаў ЗША не толькі з Мінскам, але і з ключавымі саюзнікамі Беларусі — перадусім, з Расіяй», — прадракае «Беларускі фронт».
Лукашэнка сустрэўся са спецпасланнікам Трампа Кітам Келагам
Лукашэнка — Келагу: Шуму вы нарабілі сваім прыездам
Бізнэсмен, беларуска са Швецыі, хлопец, асуджаны за чат на пяцярых. Каго яшчэ вызвалілі і вывезлі ў Вільню разам з Сяргеем Ціханоўскім
Наталля Эйсмант пракаментавала вызваленне вязняў на просьбу ЗША. Асобна — пра Ціханоўскага
Цяпер чытаюць
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!4
Каментары