«Ускладняюць працэс рэгістрацыі». Для запісу на польскія візы з'явіліся новыя патрабаванні
З'явіліся новаўвядзенні для тых, хто плануе атрымліваць польскую візу. Пры рэгістрацыі на сайце візавага цэнтра ўвялі абноўленую сістэму верыфікацыі, паведамляе тыкток-акаўнт «Наши в Польше». Гэта пацвярджае і экспертка Анастасія Лысакоўская. Выданне «Люстэрка» даведалася, што за новаўвядзенні і як яны адаб'юцца на карыстальніках.
Па словах Анастасіі Лысакоўскай, з 26 чэрвеня пры рэгістрацыі на сайце VFS стала неабходна загружаць не толькі фатаграфію асобы і разварот дакумента, але і здымак яго вокладкі. Акрамя таго, сістэма будзе фіксаваць колькасць уваходаў у асабісты кабінет.
Калі за непрацяглы час чалавек распачне запар пяць спробаў аўтарызацыі, ягоны профіль заблакуюць на некалькі гадзін. Гэта, адзначае візавая экспертка, можа стаць адной з перашкод, каб злавіць «акенца».
«Навошта рабіць фота вокладкі, не ведаю, бо зняць можна любую. Магчыма, пры верыфікацыі не будуць прымаць пацёртую галоўную старонку. А вось тое, што колькасць заходаў у асабісты кабінет сталі часова абмяжоўваць, — гэта для мяне відавочны мінус.
Напрыклад, чалавек не ведае, ці з'явіліся даты на падачу, і заходзіць у сістэму праверыць. Альбо ж запіс анансавалі, карыстальнік зайшоў, а раздачу затрымліваюць. У кожным з гэтых выпадкаў мы трацім спробу, не атрымліваючы вынік, — дзеліцца меркаваннем Анастасія Лысакоўская. — Да таго ж праз памылкі ў працы сайт можа проста «выкідаць» з кабінета. На маім вопыце, часта, каб запісацца, трэба ўвайсці ў яго не раз і не два».
На думку эксперткі, прычына новаўвядзення — барацьба з пасярэднікамі.
«Аднак новыя абмежаванні ўскладняюць працэс рэгістрацыі не толькі для агентаў, але і для звычайных заяўнікаў, — кажа суразмоўца. — Пры гэтым колькасці даступных месцаў на запіс больш не становіцца. Асноўная нагрузка па-ранейшаму прыпадае на Мінскую консульскую акругу, дзе запісацца вельмі складана — тэрміны чакання ўжо дасягаюць года».
Лысакоўская таксама адзначае, што ў пятніцу, 27 чэрвеня, калі раздавалі месцы для рэгістрацыі ў Гродзенскай консульскай акрузе, слоты падзялілі па часе.
Спачатку ішоў запіс на турыстычны «шэнген», потым на працоўныя візы, затым — на астатнія, напрыклад, гасцявыя.
«Абвесткі аб з'яўленні дат для запісу былі і раней. Але калі тады паведамлялі, што пачынаецца рэгістрацыя на ўсе катэгорыі віз, то цяпер яны выкідваюць іх паступова, — адзначае суразмоўца. — Як гэта будзе працаваць далей і ці распаўсюдзіцца на іншыя рэгіёны, незразумела. Нядаўна раздавалі месцы на Мінскую консульскую акругу. Там проста было паведамленне пра «ўкід» у адзін час.
Цяпер чытаюць
«Адны вераць, што вернуцца, іншыя — не». Як працуе беларуская школа ў Польшчы1
Каментары
Так што witajcie w Kraju , спадары Беларусы !
нясіця махлярам тысячы рублёу́ і далярау́
Поляки бы могли увеличить консульский сбор, беларусы бы поняли, только бы убрать вот эту колхозную польско-украинскую манеру сдирать копеечку сверху.
П.с. как там продажа мест в очереди на перерегистрацию авто в Варшаве, нормально всё с перепродажей? А посредники в udsc, уже не распугивают потенциальных беженцев в очереди электрошокером?