«Спрабаваў вылавіць кепку». На Мінскім моры амаль суткі шукаюць мужчыну, які выпаў за борт яхты
Пра інцыдэнт з яхтай на Мінскім моры Onlíner учора ўвечары паведаміў чытач. «Капітан спрабаваў вылавіць багром кепку, якую здзьмула (з-за моцнага ветру ўчора быў шквал). Выпаў за борт і чамусьці пайшоў на дно», — распавёў мінчук.
Сёння інфармацыю пра тое, што адбылося, журналісту пацвердзілі ў Таварыстве ратавання на водах. Паводле папярэдніх даных, усё адбылося 9 ліпеня каля 15:00.
Там удакладнілі, што мужчыну, які выпаў з яхты, 34 гады. Аднак ці быў ён сапраўды капітанам судна — невядома.
«З учарашняга дня вядуцца пошукавыя работы. Прыцягнуты супрацоўнікі МНС на трох катарах з двума сонарамі. Даследавана каля двух квадратных кіламетраў плошчы вадаёма», — паведаміў начальнік выратавальнай станцыі «Заслаўе-1» Алег Люцко.
Устанавіць, якому з яхт-клубаў належыць судна, таксама пакуль не ўдалося. Журналіст Onlíner звярнуўся ў дзве буйныя кампаніі па пракаце яхт, што базуюцца ў акваторыі Мінскага мора. У адной паведамілі, што ўсе іх супрацоўнікі, на шчасце, жывыя і здаровыя. У другой адказалі, што не гатовыя даць якую-небудзь інфармацыю.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары