Мядзведзеў прыгразіў ЗША вайной пасля таго, як Трамп скараціў тэрмін ультыматуму Пуціну
Амерыканскаму прэзідэнту трэба перастаць гаварыць з Расіяй на мове ўльтыматумаў, бо кожнае такое патрабаванне набліжае ЗША да вайны, заявіў намеснік старшыні Рады бяспекі РФ Дзмітрый Мядзведзеў.
Паводле яго слоў, кіраўніку Белага дома варта памятаць, што Расія — гэта не Ізраіль і не Іран, каб сябе з ёй паводзіць падобным чынам.
«Трамп гуляе ва ўльтыматым з Расіяй: 50 дзён або 10… Кожны новы ультыматум — гэта пагроза і крок да вайны. Не паміж Расіяй і Украінай, а з яго ўласнай краінай. Не ідзіце па шляху соннага Джо!», — напісаў Мядзведзеў у X.
На допіс адрэагаваў аўтар закона аб «пякельных санкцыях» супраць РФ, сенатар Ліндcі Грэм. «Тым у Расіі, хто лічыць, што прэзідэнт Трамп не настроены сур’ёзна пакласці канец крывавай бойкі паміж Расіяй і Украінай: вы і вашы пакравіцелі вельмі хутка моцна памыліцеся… Сядайце за стол перамоваў», — парыраваў ён.
Пасля гэтага Мядзведзеў звярнуўся да Грэма, заявіўшы, што не яму і не Трампу «дыктаваць, калі «сядаць за стол перамоваў».
«Перамовы скончацца, калі будуць дасягнутыя ўсе мэты нашай ваеннай аперацыі. Займіцеся спачатку Амерыкай, дзядуля!», — дадаў намеснік старшыні Рады бяспекі, піша The Moscow Times.
28 ліпеня Трамп заявіў, што «вельмі расчараваны» прэзідэнтам Расіі Уладзімірам Пуціным, які кінула армію ў новае наступленне і працягвае біць па Украіне замест спынення агню. Амерыканскі лідар адзначыў, што скарачае тэрмін 50‑дзённага ўльтыматыму, абвешчанага 14 ліпеня: цяпер у Пуціна ёсць максімум 12 дзён, каб заключыць мір.
-
SCALP. Што вядома пра ракеты, тэхналогіі вытворчасці якіх Украіне перадаюць Брытанія і Францыя
-
На Дзень незалежнасці Украіны ў Кіеве правялі парад вайсковых робатаў — на зямлі, ў вадзе і ў паветры ВІДЭА
-
Маштабная атака на Ozon: беспілотнікі разбамбілі склады ў Дагестане, Адыгеі і Стаўрапольскім краі
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары