Грамадства44

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў

«Гэта было шакуючае відовішча».

Сяргей Ціханоўскі пасля вызвалення. Скрыншот відэа: Офіс Ціханоўскай

«Я падумала: каб я цяпер ішла недзе міма яго цяперашняга, я б яго проста не пазнала. Я проста ведала, што ён будзе выходзіць з гэтага мікрааўтобуса. Я ведала, што гэта ён. І вядома, ты ў той момант хаваеш той жах, ад таго, што ты бачыш, бо гэта шкілет са скурай», —

прызналася Святлана Ціханоўская ў новым выпуску шоу «Жыццё-маліна».

Па яе словах, нягледзячы на тое, што яна бачыла Сяргея на кароткіх відэа з турмы, што распаўсюджвала прапаганда, «усё роўна гэта было шакуючае відовішча».

«Цяпер, зразумела, я яго адкормліваю. Мышцаў няма зусім. Я знаю Ціханоўскага з такімі класнымі нагамі…. А цяпер цяжка гэта назіраць. Але ты разумееш, што гэта ўсё можна выраўняць. Галоўнае, што ён псіхалагічна і маральна застаўся тым жа Сяргеем».

Святлана расказвае, што яе муж не хоча папраўляцца, бо «яму падабаецца, як ён выглядае ў касцюме»: «Стройны, але мы разумеем, што гэта не здаровая худзізна. І зразумела, неабходна правільна харчавацца, каб атрымаць усе неабходныя вітаміны, той бялок, які патрэбны».

Святлана Ціханоўская. Скрын відэа: malina_by / YouTube

Ціханоўская сцвярджае, што Сяргей сочыць за сваім харчаваннем, «не кінуў сябе ў гастранамічны тур. У яго вылічаны КБТУ (калорыі, бялкі, тлушчы, вугляводы — НН) у яго харчаванні».

«З прагматычнага пункту гледжання, я хачу, каб ён такім застаўся. Таму што набыты касцюмы! І не вельмі хацелася б потым кожны раз набываць нешта новае», —

з жартам кажа Святлана і расказвае, што адразу пасля сустрэчы з усімі вызваленымі палітвязнямі, яна з Сяргеем паехала ў краму, «бо ён хацеў адразу пазбавіцца ад турэмнага адзення».

«Ён проста ў прымерачнай пераапрануўся. І мы адзенне тое адразу выкінулі».

Каментары4

  • Барадзед
    02.08.2025
    шкілет у шафе, ой, не начинай. Щас оппозиция вся переругается из-за Сергея Тихановского.
  • Будзь чалавекам
    02.08.2025
    Абодва Сяргей ды Сьвятлана перажылі гады траўмы. Разлука й пакутлівае зьняволеньне глыбока ўплываюць на людзей. Праявіце крыху спачуваньня замест строгага асуджэньня.
  • Васим
    03.08.2025
    [Рэд. выдалена]

Цяпер чытаюць

Мінскі гарадскі суд не вытрымлівае нагрузкі — не паспяваюць судзіць палітвязняў7

Мінскі гарадскі суд не вытрымлівае нагрузкі — не паспяваюць судзіць палітвязняў

Усе навіны →
Усе навіны

Турцыя накіравала самалёт-радыёлакацыйны комплекс у Літву на фоне парушэнняў паветранай прасторы з боку Расіі1

«Табе трэба насіць толькі спадніцы». Маналог дзяўчыны, якую дамагаўся дырэктар на працоўным месцы12

Сям'ю выбітных педагогаў-баяністаў асудзілі за ўдзел у пратэстах4

Як адкрывалася мяжа з Польшчай. Рэпартаж з Брэста

«Вялікае супрацьстаянне паміж Расіяй і Еўропай». Што адбываецца ў Малдове напярэдадні выбараў3

Кітайскі аўтапрам імкліва заваёўвае Еўропу. Замест сваіх легенд еўрапейскія заводы выпускаюць аўто з Паднябеснай12

УСУ заявілі пра збіццё расійскага Су-34 пад Запарожжам3

На толькі што адкрытай польскай мяжы ўжо ўтварылася чарга з трох тысяч аўтамабіляў3

Глабальны зрух у каталіцтве: у Індыі больш семінарый, чым у Італіі, а ксяндзы на падмену прыязджаюць у Еўропу з Афрыкі9

больш чытаных навін
больш лайканых навін

Мінскі гарадскі суд не вытрымлівае нагрузкі — не паспяваюць судзіць палітвязняў7

Мінскі гарадскі суд не вытрымлівае нагрузкі — не паспяваюць судзіць палітвязняў

Галоўнае
Усе навіны →

Заўвага:

 

 

 

 

Закрыць Паведаміць