Паплечнік Статкевіча расказаў пра кароткую размову з ім у нейтральнай зоне
Літоўскія журналісты распыталі ў кіраўніка партыі «Народная Грамада» на эміграцыі Яўгена Вільскага, як прайшла ягоная размова ў нейтральнай зоне з лідарам гэтай арганізацыі Міколам Статкевічам, які ў знак пратэсту супраць прымусовай дэпартацыі вярнуўся назад у Беларусь.
Як сцвярджае Яўген Вільскі, размова працягвалася вельмі кароткі час, каля 5 хвілін.
За гэты час ён спрабаваў угаварыць палітыка ўсё ж такі перайсці ў Літву, кажучы, што яго там чакаюць, але гэтага зрабіць не ўдалося.
Па словах Вільскага, Статкевіч настроены вельмі рашуча, ён разумее сваю ролю і гатовы адыграць яе да канца. Выйсці ён збіраецца толькі тады, калі Беларусь будзе вольная ад улады Лукашэнкі, а цяпер хоча знаходзіцца са сваім народам у любых умовах.
Фізічна 69-гадовы палітык выглядае знясілена, вельмі худы, але духам бадзёры і ўсміхаецца, яго не зламалі.
Беларусам ён прасіў перадаць, каб трымаліся і змагаліся.
Літоўскія памежнікі: Статкевіч вярнуўся ў Беларусь
Мікола Статкевіч доўга быў адзін у нейтральнай зоне на мяжы, а пасля знік ФОТЫ
Поўны спіс 52 вызваленых палітвязняў
Мікола Статкевіч адмаўляецца пакідаць Беларусь
Вызваленыя з дэпартацыяй 52 палітвязні. Статкевіч адмаўляецца пакінуць Беларусь, стаіць у нейтральнай зоне
Каментары