19 чалавек загінулі ад атручвання алкаголем у Ленінградскай вобласці. Сурагат вырабляла выхавацелька дзіцячага садка
Яна рабіла спірт дома. Затым прадукцыю дастаўляў яе знаёмы Мікалай Б.
Вытворчасць была арганізавана ў прамысловых маштабах
У Сланцах (Ленінградская вобласць) у выніку атручвання сурагатным алкаголем памерлі 19 чалавек. Вядома, што сурагат вырабляла 60‑гадовая выхавацелька дзіцячага садка Вольга С, паведамляюць «Осторожно, новості».
Яна рабіла сурагат дома. Затым прадукцыю дастаўляў яе знаёмы Мікалай Б. Абодва падазраваныя затрыманыя.
Адной з пацярпелых стала 75‑гадовая жонка Мікалая — Галіна Б. 25 верасня яна паступіла ў бальніцу ў крайняй ступені цяжкасці.
Заведзена крымінальная справа па артыкуле «Прычыненне смерці па неасцярожнасці двум або больш асобам». Зараз следчыя органы высвятляюць асобы ахвяр.
Не выключана, што колькасць ахвяр будзе расці.
Каментары