Грамадства33

У мінскім парку з'явіліся незвычайныя скульптуры з дрэва і металу ФОТЫ

Новыя зоны адпачынку з'яўляюцца ў Мінску рэгулярна. Адзін з апошніх набыткаў сталіцы — змены ў Антонаўскім парку. Гэта зона адпачынку размяшчаецца паміж пасёлкам велазавода і Трактаразаводскім пасёлкам, піша «Анлайнер».

Свой кавалачак Сляпянскай воднай сістэмы, дарослыя дрэвы, дарожкі ўздоўж вады. Месца прыемнае і ціхае. А з нядаўніх часоў яшчэ і даволі незвычайнае: парк не толькі акультурылі, але і ўпрыгожылі скульптурамі. Вельмі яркімі і своеасаблівымі. 

Раней пальму першынства ў катэгорыі незвычайнасці трымалі фігуры, устаноўленыя на Мухлі. Цяпер у іх з'явіліся гратэскныя сябры з металу і дрэва ў Ленінскім раёне.

Змяняць парк пачалі яшчэ ў мінулым годзе. Праца была праведзена велізарная, бо ні дыхтоўных тратуараў, ні сучасных лавачак тут і блізка не было. Вось як апісвае маштабы праведзенага агенцтва «Мінск-Навіны»:

«Работнікі «Зелянбуда Ленінскага раёна» прасунуліся ўглыб прыкладна напалову. Прыбралі лішнюю расліннасць, пашырылі з 2,5 да 3 м дарожку, нанеслі на яе пакрыццё з асфальтагрануляту з даданнем гранітнай крошкі і паклалі новыя бардзюры.

Паставілі 15 новых лавачак. Уладкавалі некалькі лакацый для дзяцей, у тым ліку вяровачны гарадок з сімпатычнымі драўлянымі канструкцыямі і з сярэднявечным міні-замкам, а таксама спартыўную зону з антывандальнымі трэнажорамі, турнікамі, брусамі. Іх калегі з ЖКГ збудавалі агароджаную пляцоўку для выгулу сабак».

Улетку гэтага года зелянбудаўцы займаліся ўжо пераважна расліннасцю: дрэвы трэба было абследаваць, абрэзаць, лішняе высечы. Урэшце прыступілі да «дэкаравання». Так у парку і пасяліліся незвычайныя героі.

Галоўны персанаж — Карлсан, які трымаецца за стойку старадаўняй свяцільні, абсталяванай сонечнай батарэяй. Кожны ахвотны можа пакруціць прапелер казачнага героя. Крыху наводдаль размясціўся жалезны «Вадалаз», які ахоўвае асвятляльную мачту, што таксама сілкуецца сонечнай энергіяй. Паміж імі ўладкаваліся «Рыба» і «Матылёк».

Увагу прыцягвае і драўляная скульптура «Мысляр» — яе, як і стойку з кармушкамі для птушак, выразалі майстры «Зелянбуда Ленінскага раёна».

«Гэта лакацыя ўжо стала фотазонай, як і было задумана, — заўважае дырэктар «Зелянбуда Ленінскага раёна» Аляксандр Васілеўскі.

У парку таксама можна знайсці валейбольную пляцоўку і варкаўт-зону з трэнажорамі пад навесам.

Каментары3

  • j
    09.10.2025
    hety, z doūhimi nahami - zajemstvavany ū susiedziaū, u Ikškile.
  • які-ніякі, але
    09.10.2025
    крэатыў аднак
  • Лол
    09.10.2025
    Скульптуры ў стылі агратрэша, усё іншае бедненька, але чысценька.

Цяпер чытаюць

Пад новыя санкцыі ЕС трапілі беларускія банкі. Што зменіцца на практыцы?21

Пад новыя санкцыі ЕС трапілі беларускія банкі. Што зменіцца на практыцы?

Усе навіны →
Усе навіны

«Гэта жах». Кіраўнік Століна выказаўся пра раённую бальніцу, але схамянуўся і ўсё выдаліў5

Колькасць бюджэтных месцаў на магістратуры будзе вызначаць дзяржава1

«У нас гэтыя льготы няма чым ільгатаваць». Лукашэнка патлумачыў, чаму не будзе даваць льгот моладзі і сям'ям з адным ці двума дзецьмі18

Экаактывісты больш не прыклейваюць сябе да дарог. І вось чаму14

У цэнтры Мінска затрымалі голага бегуна, які ўдзельнічаў у трэш-чэленджы Мелстроя15

«Для кожнага быў свой тэлевізар». Беспрацоўны беларус расказаў, як у Германіі яму зрабілі бясплатную аперацыю9

У Акадэміі навук заявілі, што беларусы з кожным годам усё больш задаволены12

Гросмайстар Нарадзіцкі, які раптоўна памёр у 29 гадоў, перад смерцю цяжка перажываў абвінавачанні з боку Крамніка2

Беларус расказаў, як быў гідам у Дудзя на Мадэйры — елі дранікі ў бары і гулялі ў футбол на стадыёне Раналду12

больш чытаных навін
больш лайканых навін

Пад новыя санкцыі ЕС трапілі беларускія банкі. Што зменіцца на практыцы?21

Пад новыя санкцыі ЕС трапілі беларускія банкі. Што зменіцца на практыцы?

Галоўнае
Усе навіны →

Заўвага:

 

 

 

 

Закрыць Паведаміць