Наша зборная ў адным кроку ад знікнення нават тэарэтычных шанцаў выйсці на чэмпіянат свету па футболе
Зборная Беларусі разгромна прайграла Даніі ў матчы трэцяга туру адборачнага турніру да чэмпіянату свету па футболе. Гульня прайшла ў Венгрыі і скончылася ганебнымі 0:6. Чатыры мячы ўляцелі ў нашыя вароты ў першым тайме.
У нашай групе ўчора Шатландыя перамагла Грэцыю 3:1.
Пасля 3‑х тураў: Данія, Шатландыя — 7, Грэцыя — 3, Беларусь — 0
У зборнай Беларусі цяпер тры паразы: Грэцыя (1:5), Шатландыя (0:2) і ўчорашняя Данія (0:6). Наступны матч нацыянальная каманда правядзе ў нядзелю ў Глазга супраць Шатландыі (19:00).
Параза паставіць крыж нават на тэарэтычных шанцах выйсці на чэмпіянат свету па футболе.
Апошнія дзве гульні — супраць Даніі і Грэцыі — будуць у лістападзе.
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары
символ деградации лукашизма здесь.
Памятаю, як пасля ЧС-1998 у першым матчы адбора на Euro'2000 згулялі з той топавай Даніяй са Шмейхелем-бацькам у браме ды Лаўдрупамі ў атацы - 0:0, пасля ў гасцях - 0:1 з прапушчаным пасля прамога ўдара з кутавога. І вось мінула 27 гадкоў, у Даніі ў браме - Шмейхель-сын, а ў Беларусі новых Бялькевічаў не прадбачыцца ў бліжэйшыя гадоў 50, а лік на табло - узроўнем Сан-Марына. Футбаліст (па першай прафесіі) як улез са сваімі сябрамі артылерыстамі, лётчыкамі, чэкістамі, так усе парасткі й патаптаў - на ворагаў і лялькаводаў не спішаш, усё самі.
Соры за шмат літар. Дзіўна нават для сябе, бо эмоцый і ранейшага энтузіязму гэтая фармацыя, якую яшчэ чамусьці завуць зборнай па футболе, зусім не выклікае.