«Ставяць палітыку вышэй за мір». У Белым доме пракаментавалі рашэнне Нобелеўскага камітэта даць прэмію не Трампу
Прэзідэнт ЗША Дональд Трамп працягне заключаць мірныя пагадненні і спыняць войны, хоць яму і не далі сёлета Нобелеўскую прэмію міру, заявіў памочнік прэзідэнта ЗША і дырэктар па камунікацыях Белага дома Стывен Чунг у сацсетцы X, каментуючы рашэнне Нобелеўскага камітэта.
Дональд Трамп. Фота: Alex Brandon / AP
«У яго сэрца гуманіста, і ніколі не будзе нікога, хто, падобна яму, мог бы зрушыць горы адной толькі сілай волі», — напісаў Чунг.
Што да Нобелеўскага камітэта, які замест Трампа ўганараваў лідарку венесуэльскай апазіцыі Марыю Карыну Мачада, то, як падкрэслівае Стывен Чунг:
«Нобелеўскі камітэт даказаў, што ставіць палітыку вышэй за мір».
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары